ഒറ്റപ്പാലത്ത് മാധ്യമ പ്രവര്‍ത്തകരെ ആക്രമിച്ച കേസില്‍ പുതിയ വഴിത്തിരിവുമായി സോഷ്യല്‍ മീഡിയ. റിപ്പോര്‍ട്ടര്‍ ചാനലിലെ മാധ്യമ പ്രവര്‍ത്തകന്‍ ആര്‍എസ്എസ് ജില്ലാപ്രചാരകിനെ “നീ തല്ലെടാ” എന്ന വെല്ലുവിളിയോടെ പിടിച്ചു തള്ളുന്നതും മര്‍ദ്ദിക്കാന്‍ ശ്രമിക്കുമ്പോള്‍ ഏഷ്യാനെറ്റ് റിപ്പോര്‍ട്ടര്‍ പിടിച്ചു മാറ്റുന്നതും വീഡിയോയില്‍ വ്യക്തമായിക്കാണാം.
ഒറ്റപ്പാലം വിഷയത്തില്‍ മാദ്ധ്യമങ്ങള്‍ ആദ്യം കാണിച്ച വീഡിയോയില്‍ ഒരാള്‍ ഭീഷണിപ്പെടുത്തുന്നതും കയ്യേറ്റം ചെയ്യാന്‍ ശ്രമിക്കുന്നതുമായിരുന്നു. ഇപ്പോള്‍ പ്രചരിക്കുന്ന വീഡിയോയില്‍ ആദ്യം മുതല്‍ നടന്ന സംഭവങ്ങള്‍ കാണാം.
കൊടും ക്രിമിനലിനെ കൊണ്ട് പോകുമ്പോൾ പോലും അയാളുടെ ഐഡന്‍റിറ്റി പുറത്തു കാണിക്കാതിരിക്കാൻ ജാഗ്രത പുലർത്തുന്ന പോലീസ് ആരോപണ വിധേയരായവരുടെ ഫോട്ടോ അനുവാദമില്ലാതെ എടുത്ത മാധ്യമ പ്രവർത്തകനെതിരെ കേസേടുക്കാതിരുന്നതില്‍ സോഷ്യല്‍ മീഡിയയില്‍ പ്രതിഷേധം വ്യാപകമാണ്.
Post Your Comments