വാഷിംഗ്ടണ്‍ : സിറിയയിലെ തീവ്രവാദ സംഘടനയായ ഐ.എസ് ഇന്ത്യക്കാരായ തീവ്രവാദികളുടെ വീഡിയോ പുറത്തിറക്കി. ഇന്ത്യയില്‍ നിന്നുള്ള തീവ്രവാദികള്‍ നില്‍ക്കുന്ന ദൃശ്യങ്ങളാണ് വീഡിയോയിലുള്ളത്.
വീഡിയോയിലുള്ള തീവ്രവാദികള്‍ രാജ്യം വിട്ട് സിറിയന്‍ സര്‍ക്കാരിനെതിരെ യുദ്ധത്തിന് വേണ്ടി പുറപ്പെടാന്‍ ഇന്ത്യക്കാരോട് ആഹ്വാനം ചെയ്യുന്നുണ്ട്. എന്നാല്‍ നിലവില്‍ സിറിയയില്‍ ഇന്ത്യയില്‍ നിന്നുള്ള എത്ര ഐ.എസ് തീവ്രവാദികള്‍ ഉണ്ടെന്നുള്ള കാര്യത്തില്‍ വ്യക്തമായ കണക്കൊന്നുമില്ല. അടുത്തിടെ നടന്ന ആക്രമണങ്ങളില്‍ മരിച്ച ഐ.എസ് തീവ്രവാദികളില്‍ ഇന്ത്യാക്കാര്‍ ഉള്‍പ്പെട്ടിട്ടുണ്ടെന്നാണ് വിവരം.
ഇന്ത്യയില്‍ നിന്നുള്ള കൂടുതല്‍ പേരെ സംഘത്തില്‍ ഉള്‍പ്പെടുത്താനാണ് ഈ വീഡിയോ പുറത്തിറക്കിയിരിക്കുന്നതെന്നാണ് വിദഗ്ദര്‍ നല്‍കുന്ന വിവരം.
Post Your Comments