മാള: ഉഗ്ര സ്ഫോടനശേഷിയുള്ള ഡൈനയില്‍ നിന്നും ഗുണ്ട് അറുത്ത്മാറ്റാന്‍ ശ്രമിക്കുന്നതിനിടെ യുണ്ടായ പൊട്ടിത്തെറിയില്‍ 3 പേര്‍ക്ക് പരിക്ക്. സംഗീത്,അര്‍ജുന്‍ , വിഷ്ണു എന്നിവര്‍ക്കാണ് പരിക്കേറ്റത്. ഇവരെ തൃശൂര്‍ജൂബിലി മിഷന്‍ ആശുപത്രിയില്‍ പ്രവേശിപ്പിച്ചു. സംഗീതിനു സാരമായി പൊള്ളലേറ്റിട്ടുണ്ട്.വലിയ വെടിക്കെട്ടുകള്‍ക്കുപയോഗിക്കുന്ന ഡൈനയുടെ കുറ്റി ഹാക്സോ ബ്ലേഡ് ഉപയോഗിച്ച് അറുത്തുമാറ്റുന്നതിനിടെ ആയിരുന്നു അപകടം.ശബ്ദം കേട്ട് ഓടിയെത്തിയ സമീപവാസികള്‍ ആണ് ഇവരെ ആശുപത്രിയില്‍ എത്തിച്ചത്. പോലീസ് നടത്തിയ തിരച്ചിലില്‍ ഉഗ്രസ്ഫോടനശേഷിയുള്ള 29 ഡൈനകള്‍ കൂടി കണ്ടെടുത്തിട്ടുണ്ട്.
Post Your Comments