സ്വന്തമായി ഒരു ഐഫോണ്‍ സ്വപ്നം കാണുന്നവര്‍ക്കായി ഇതാ ഐഫോണ്‍ എസ്ഇ ഇന്ത്യയില്‍

ന്യൂഡെല്‍ഹി: സ്വന്തമായി ഒരു ഐഫോണ്‍ എല്ലാ മൊബൈല്‍ പ്രേമികളുടേയും സ്വപ്നമാണ്. ഇതാ, ഏറെനാളത്തെ കാത്തിരിപ്പിനു ശേഷം സാധാരണക്കാര്‍ക്കും താങ്ങാവുന്ന വിലയുമായി ഒരു ഐഫോണ്‍ ഇന്ത്യയില്‍ വരുന്നു നാല് ഇഞ്ച്‌ ഡിസ്പ്ലേ ഉള്ള ആപ്പിള്‍ ഐഫോണ്‍ എസ്ഇ ആണിത്. 16 ജി.ബി. ശേഷിയുള്ള ഈ മോഡലിന് ഇന്ത്യന്‍ വിപണിയില്‍ 39,000 രൂപയാണ് വില.

മാര്‍ച്ച് 29 മുതല്‍ പ്രീ-ബുക്കിംഗ് ആരംഭിക്കുന്ന ഐഫോണ്‍ എസ്ഇ ഏപ്രില്‍ 8 മുതല്‍ കിട്ടിത്തുടങ്ങും. 64 ജി.ബി. സ്റ്റോറേജ് വേരിയന്‍റ് വേര്‍ഷനും 16 ജി.ബി.യ്ക്ക് പുറമേ ലഭ്യമാണ്. വില എത്രയാകും എന്ന കാര്യം ഇതുവരെ വ്യക്തമല്ല.

ഐഫോണ്‍ 5-ന് സമാനമായ രൂപകല്‍പനയുള്ള എസ്ഇയ്ക്ക് 1.85 ജിഗാഹെട്സ് വേഗമുള്ള ഡ്യുവല്‍ കോര്‍ എ 9 പ്രോസസറും, 1 ജിബി റാം എന്നിവയുണ്ട്. 12 മെഗാ പിക്സല്‍ ഐ-സെറ്റ് ക്യാമറ, 1.2 മെഗാപിക്സല്‍ സെല്‍ഫി ക്യാമറ, ഡ്യുവല്‍ എല്‍ഇഡി ഫ്ലാഷ്, ടച്ച്‌ ഐഡി ഫിംഗര്‍പ്രിന്‍റ് സ്കാനര്‍ എന്നിവയും ലഭ്യമാണ്.

ആപ്പിള്‍ ഐഒസ് 9.3 യില്‍ പ്രവര്‍ത്തിക്കുന്ന എസ്ഇ സ്പേസ് ഗ്രേ, സില്‍വര്‍, ഗോള്‍ഡ്‌, റോസ് ഗോള്‍ഡ്‌ എന്നീ നിറങ്ങളില്‍ ലഭ്യമാകും.