വീഡിയോ:മനുഷ്യമാംസത്തിന്റെ രുചിയറിയാന്‍ സ്വന്തം ശരീരം ഭക്ഷിച്ചു

മനുഷ്യ മാംസത്തിന് ആട്ടിറച്ചിയുടെയും പന്നിയിറച്ചിയുടെയും സമ്മിശ്രമായ രുചിയാണത്രെ.പറയുന്നത് ബി.ബി.സിയുടെ സയന്‍സ് ജേര്‍ണലിസ്റ്റായ ഗ്രെഗ് ഫൂട്ട്.
മനുഷ്യ മാംസത്തിന്റെ രുചിയെന്താണ് എന്ന ഇതുവരെ ആര്‍ക്കും ഉത്തരം കണ്ടെത്താന്‍ സാധിക്കാതിരുന്ന ഈ ചോദ്യത്തിന് ഉത്തരം കണ്ടെത്താന്‍ സ്വന്തം ശരീരത്തില്‍ നിന്നു തന്നെ ഇറച്ചിയെടുത്ത് ഗ്രെഗ് പാകം ചെയ്ത് കഴിക്കുകയായിരുന്നു. കാലിന്റെ തുടയുടെ ഭാഗത്ത് നിന്നാണ് മാസം എടുത്ത് ഗ്രെഗ് പാകം ചെയ്തു കഴിച്ചത്.

മനുഷ്യ മാംസം ഭക്ഷിക്കുന്നത് നിയമവിരുദ്ധമായതിനാല്‍ തന്നെ ലണ്ടനിലെ പരീക്ഷണശാലയിലാണ് ഗ്രെഗ് ഈ സാഹസം ചെയ്തത്. മനുഷ്യ ഇറച്ചിയുടെ മണം ബീഫിന് സമാനമാണ്.
ചിക്കനിലും മറ്റും കാണപ്പെടുന്ന ഫൈബര്‍ നാരുകള്‍ മനുഷ്യ ഇറച്ചിയിലും കാണപ്പെടുന്നതായും ഗ്രെഗ് പറഞ്ഞു.
ഇത് ആദ്യമായാണ് മനുഷ്യ മാംസത്തിന്റെ രുചി അറിയാനുള്ള പരീക്ഷണം നടക്കുന്നത്. നേരത്തെ ചില വിദേശ ഹോട്ടലുകളില്‍ മനുഷ്യ മാംസം പാകം ചെയ്തുവെന്ന വാര്‍ത്തകള്‍ പുറത്തു വന്നിട്ടുണ്ടെങ്കിലും അത്തരം വാര്‍ത്തകള്‍ക്ക് സ്ഥിരീകരണമില്ല.