മിര്‍പൂര്‍: ഏഷ്യാ കപ്പ് ട്വന്റി-20 കിരീടം ഇന്ത്യക്ക്. മഴമൂലം വൈകി തുടങ്ങിയ മല്‍സരത്തില്‍ ബംഗ്ലാദേശ് ഉയര്‍ത്തിയ 121 റണ്‍സ് വിജയലക്ഷ്യം ഇന്ത്യ ഏഴ് പന്ത് ബാക്കി നില്‍ക്കേ മറികടന്നു. ഓപ്പണര്‍ ശിഖര്‍ ധവാന്‍(60) കോഹ്‌ലി (41) എന്നിവരുടെ തകര്‍പ്പന്‍ പ്രകടനങ്ങളാണ്ഇന്ത്യയ്ക്കു കിരീടം സമ്മാനിച്ചത്.
നായകന്‍ ധോനി ആറു പന്തില്‍ 20 റണ്‍സുമായി വിജയത്തില്‍ കോഹ്്‌ലിക്കു കൂട്ടുനിന്നു. ധവാനും കോഹ്്‌ലിയും ചേര്‍ന്ന് രണ്്ടാം വിക്കറ്റില്‍ 94 റണ്‍സ് കൂട്ടിച്ചേര്‍ത്തു. നേരത്തെ, മഴമൂലം 15 ഓവറാക്കി ചുരുക്കിയ മത്സരത്തില്‍ ബംഗ്ലാദേശ് അഞ്ചു വിക്കറ്റ് നഷ്ടത്തില്‍ 120 റണ്‍സ് നേടി.
ഇന്ത്യയ്ക്കായി അശ്വിന്‍, നെഹ്‌റ, ബൂംറ, ജഡേജ എന്നിവര്‍ ഓരോ വിക്കറ്റ് വീതം വീഴ്ത്തി. നേരത്തെ ടോസ് നേടിയ ഇന്ത്യന്‍ നായകന്‍ ധോണി ബംഗ്ലാദേശിനെ ബാറ്റിംഗിന് അയയ്ക്കുകയായിരുന്നു.
Post Your Comments