യുഎഇ-യില്‍ ജോലിയുള്ള നോണ്‍-റെസിഡന്‍റ് ഇന്ത്യാക്കാരുടെ നാട്ടിലുള്ള കുടുംബത്തിനും പരിരക്ഷ നല്‍കുന്ന, ദിവസം 1.87 ദിര്‍ഹം പ്രീമിയമുള്ള (നാല് അംഗങ്ങളുള്ള കുടുംബത്തിന്) എറൈസ് ഇന്‍ഷുറന്‍സ് പദ്ധതി ആസ്റ്റര്‍ ഡിഎം ഹെല്‍ത്ത്കെയര്‍ ദുബായില്‍ അവതരിപ്പിച്ചു. ആര്‍എകെ ഇന്‍ഷുറന്‍സുമായി ചേര്‍ന്നാണ് ഈ പുതിയ പദ്ധതി.
ഇന്ത്യലാകമാനം 6,000 ആശുപത്രികളില്‍ ഈ പദ്ധതിപ്രകാരമുള്ള സേവനങ്ങള്‍ ലഭ്യമാകുമെന്ന് കമ്പനി അറിയിച്ചു.
യുഎഇ-യില്‍ അനുദിനം വര്‍ദ്ധിച്ച് കൊണ്ടിരിക്കുന്ന ഇന്ത്യന്‍ തൊഴിലാളികള്‍ക്ക് വളരെ പ്രയോജനപ്രദമായിരിക്കും ഈ പദ്ധതിയെന്ന് ആസ്റ്റര്‍ ഡിഎം ഹെല്‍ത്ത്കെയര്‍ ചെയര്‍മാനും മാനേജിംഗ് ഡയറക്റ്ററുമായ ആസാദ് മൂപ്പന്‍ അഭിപ്രായപ്പെട്ടു.
2,400 ദിര്‍ഹത്തിന് (6.57 ദിര്‍ഹം/ദിവസം) ഒരു പ്രവാസിക്ക് ഈ പദ്ധതിയില്‍ ചേരാനാകുമെന്ന് ആസാദ് മൂപ്പന്‍ അറിയിച്ചു. ഇതുപ്രകാരം അഞ്ചു പേരടങ്ങിയ ഒരു കുടുംബത്തിന് (പ്രവാസി, ഭാര്യ, ഒരു കുട്ടി, 2 പ്രായമായ മാതാപിതാക്കള്‍) 250,000 രൂപ വരെ ഇന്‍ഷുറന്‍സ് പരിരക്ഷ ബ്രോണ്‍സ് സ്കീമില്‍ ലഭിക്കുമെന്നും അദ്ദേഹം അറിയിച്ചു.
അതേസമയം, ശാരീരകമായ വൈകല്യങ്ങളോ, പ്രത്യേക പരിഗണന ആവശ്യമുള്ളതോ ആയ കുട്ടികള്‍ക്ക് പദ്ധതിപ്രകാരം പരിരക്ഷ ലഭിക്കില്ല.
Post Your Comments