കശ്മീര്‍ : പാമ്പോറില്‍ ഭീകരര്‍ക്കെതിരെ സൈനികര്‍ പോരാടുമ്പോള്‍ തൊട്ടടുത്ത പള്ളികളില്‍ നിന്നെല്ലാം ഉയര്‍ന്നത് ഭീകരര്‍ക്ക് വിജയം നേര്‍ന്നു കൊണ്ടുള്ള മുദ്രാവാക്യങ്ങള്‍. ഫ്രെസ്റ്റേബാല്‍, ദ്രാംഗ്ബാല്‍, കദ്‌ലാബാല്‍, സെമ്പോര എന്നിവിടങ്ങളിലെ പള്ളികളില്‍ നിന്നാണ് ലൗഡ് സ്പീക്കര്‍ വഴി ഭീകരര്‍ക്ക് വിജയം ആശംസിച്ചത് .
പാകിസ്ഥാന്‍ അനുകൂല മുദ്രാവാക്യങ്ങളും കശ്മീരിന് സ്വാതന്ത്ര്യം ആവശ്യപ്പെട്ടുകൊണ്ടുള്ള മുദ്രാവാക്യങ്ങളും ഇതിനോടൊപ്പം ഉയര്‍ന്നു . ഭീകരര്‍ക്കെതിരെയുള്ള പോരാട്ടത്തെ തടയാന്‍ നൂറുകണക്കിന് പേരാണ് സംഭവ സ്ഥലത്തെത്തിയത് . കണ്ണീര്‍ വാതക പ്രയോഗം നടത്തിയും ലാത്തിച്ചാര്‍ജ്ജ് നടത്തിയുമാണ് പോലീസ് ജനക്കൂട്ടത്തെ സംഭവസ്ഥലത്ത് നിന്ന് ഒഴിവാക്കിയത് .
വിഘടനവാദികളുടെ ശക്തി കേന്ദ്രങ്ങളായ ത്രാല്‍ തുടങ്ങിയ മേഖലകളില്‍ ഭീകരരെ വെടിവെച്ചു കൊന്നതില്‍ പ്രതിഷേധിച്ച് ഹര്‍ത്താലാചരിക്കുകയാണ് . 48 മണിക്കൂര്‍ നീണ്ട പോരാട്ടത്തിനൊടുവിലാണ് മൂന്ന് ഭീകരരെ വക വരുത്താനായത് .
ശ്രീനഗര്‍- ജമ്മു ദേശീയ പാതയില്‍ സി.ആര്‍.പി.എഫ് വാഹന വ്യൂഹത്തിന് നേരേ ഭീകരര്‍ ആക്രമണം നടത്തിയതോടെയാണ് ഏറ്റുമുട്ടല്‍ ആരംഭിക്കുന്നത് . നാലു നിലക്കെട്ടിടത്തില്‍ ഒളിച്ച ഭീകരരെ തുരത്താന്‍ കഠിനപ്രയത്‌നം തന്നെ വേണ്ടി വന്നിരുന്നു . രണ്ട് ക്യാപ്റ്റന്മാരുള്‍പ്പെടെ അഞ്ച് സൈനികര്‍ ഏറ്റുമുട്ടലില്‍ കൊല്ലപ്പെട്ടു .
Post Your Comments