സിഡ്‌നി: ഒരു ടി.വി റിയാലിറ്റി ഷോയില്‍ പങ്കെടുക്കുന്നതിനിടെ ഓസ്‌ട്രേലിയന്‍ സ്പിന്‍ ഇതിഹാസം ഷെയ്ന്‍ വോണിനെ പാമ്പ് കടിച്ചു. വോണിനെ പാമ്പ് കടിക്കുന്ന രംഗം ഉള്‍പ്പെടുത്തിയ പ്രൊമോ വീഡിയോ ഇതിനോടകം സോഷ്യല്‍ മീഡിയയില്‍ വൈറലായിക്കഴിഞ്ഞു.
വിഷമില്ലാത്ത അനാക്കോണ്ട വിഭാഗത്തില്‍പ്പെട്ട പാമ്പാണ് ഷെയ്ന്‍ വോണിനെ കടിച്ചത്. തുടര്‍ന്ന് ഉടന്‍ തന്നെ വോണ്‍ ചികിത്സ തേടി. വോണിന് മറ്റ് ആരോഗ്യ പ്രശ്‌നങ്ങളൊന്നും ഇല്ലെന്ന് ചാനല്‍ അധികൃതര്‍ അറിയിച്ചു. നെറ്റ്‌വര്‍ക്ക് ടെന്‍ ചാനലിലെ ‘ഐ ആം എ സെലബ്രിറ്റി …. ഗെറ്റ് മീ ഔട്ട് ഓഫ് ഹിയര്‍’ എന്ന റിയാലിറ്റി ഷോയില്‍ പങ്കെടുക്കവെയാണ് വോണിന് കടിയേറ്റത്. ബോക്‌സില്‍ സൂക്ഷിച്ചിരുന്ന പാമ്പിന്റെ അടുത്തേക്ക് തല കൊണ്ടു വന്നപ്പോഴാണ് പാമ്പ് അപ്രതീക്ഷിതമായി വോണിന്റെ തലയില്‍ കടിച്ചത്.
അനാക്കോണ്ട ഒരു തവണ കടിക്കുമ്പോള്‍ 100 ഇഞ്ചക്ഷന്‍ സിറിഞ്ച് സൂചികള്‍ ശരീരത്തില്‍ കുത്തുന്ന പ്രതീതിയാകും അനുഭവപ്പെടുക. പാമ്പിന്റെ കടിയേറ്റ് ചികിത്സ തേടിയ ശേഷം തിരിച്ച് വോണ്‍ പരിപാടിയില്‍ പങ്കെടുത്തതായി റിയാലിറ്റി ഷോയുടെ എക്‌സിക്യൂട്ടീവ് പ്രൊഡ്യൂസര്‍ പറഞ്ഞു.
വീഡിയോ കാണാം
Post Your Comments