സംസ്ഥാനത്ത് ലോക്ക് ഡൗണിൽ ഇളവുകൾ പ്രഖ്യാപിച്ചു കൊണ്ടുള്ള സർക്കാർ ഉത്തരവിറങ്ങി

തിരുവനന്തപുരം: കേരളത്തിൽ ലോക്ഡൗണിൽ ഇളവുകൾ പ്രഖ്യാപിച്ചു കൊണ്ടുള്ള സർക്കാർ ഉത്തരവിറങ്ങി. രോഗവ്യാപന തോത് അനുസരിച്ച് എ,ബി,സി,ഡി മേഖല തിരിച്ചാണ് ഇളവുകൾ അനുവദിച്ചിരിക്കുന്നത്. അവശ്യവസ്തുക്കൾ വിൽക്കുന്ന കടകൾക്ക് പ്രവർത്തനാനുമതി നൽകിയിട്ടുണ്ട്.

Read Also : കുടുംബ സൗഖ്യത്തിനായി ഈ മന്ത്രം ഫലപ്രദം 

ടെസ്റ്റ് പോസിറ്റിവിറ്റി നിരക്ക് 8% ഇൽ താഴെ ഉള്ള സ്ഥലങ്ങൾ എ വിഭാഗത്തിൽ ഉൾപ്പെടും. 8 നും 20 നും ഇടയിലുള്ളത് ബി വിഭാഗമാണ്. 20 നും 30 നും ഇടയിൽ ടെസ്റ്റ് പോസിറ്റിവിറ്റി നിരക്കുള്ള സ്ഥലങ്ങൾ സി വിഭാ​ഗത്തിൽ ഉൾപ്പെടും. 30% നു മുകളിലുള്ള സ്ഥലങ്ങൾ ഡി വിഭാഗം ആണ്.

ഓട്ടോ ടാക്സി സർവീസ് എ വിഭാഗത്തിൽപ്പെട്ട സ്ഥലങ്ങളിൽ മാത്രമേ പാടുള്ളു. ബാറുകൾക്കും ബെവ്‌കോ ഔട്ട്‌ലെറ്റുകൾക്കും എ, ബി വിഭാഗങ്ങളിൽ പെട്ട സ്ഥലങ്ങളിൽ മാത്രമേ പ്രവർത്തനാനുമതി ഉള്ളൂ. കെഎസ്ആർടിസി ബസ്സുകൾക് സി ഡി വിഭാഗങ്ങളിൽ സ്റ്റോപ്പ്‌ ഉണ്ടാകില്ല.