കോവിഡ് വ്യാപനം രൂക്ഷം ; ലോക്ക് ഡൗൺ പ്രഖ്യാപിച്ച് കൂടുതൽ സംസ്ഥാനങ്ങൾ

ന്യൂഡൽഹി : കൊവിഡ് വ്യാപനം അതിരൂക്ഷമായതോടെ പ്രതിരോധ നടപടികൾ ശക്തിപ്പെടുത്തി ഉത്തരേന്ത്യൻ സംസ്ഥാനങ്ങൾ. ദില്ലിയിൽ ആറ് ദിന ലോക്ക് ഡൗൺ പ്രഖ്യാപിച്ചതിന് പിന്നാലെയാണ് കൂടുതൽ സംസ്ഥാനങ്ങൾ ലോക്ക് ഡൗണിലേക്ക് തിരിയുന്നത്.

Read Also : കുറഞ്ഞ വിലയിൽ ട്രിപ്പിൾ റിയർ ക്യാമറയുമായി ഒപ്പോയുടെ പുതിയ മോഡൽ സ്മാർട്ട് ഫോൺ എത്തി

അതേസമയം രാജ്യവ്യാപകമായി ഇനിയൊരു ലോക്ക് ഡൗൺ ഉണ്ടാവില്ലെന്ന് കേന്ദ്രസർക്കാ‍ർ വ്യക്തമാക്കി. എന്നാൽ പ്രാദേശികമായ സാഹചര്യം പരി​ഗണിച്ച് സംസ്ഥാനങ്ങൾക്ക് നിയന്ത്രണങ്ങൾ പ്രഖ്യാപിക്കാമെന്നും കേന്ദ്ര അഭ്യന്തരമന്ത്രി അമിത് ഷാ പറഞ്ഞു.

അടുത്ത തിങ്കളാഴ്ച്ച വരെ ദില്ലിയിൽ ലോക്ഡൗൺ പ്രഖ്യാപിക്കുകയാണെന്നാണ് മുഖ്യമന്ത്രി അരവിന്ദ് കെജരിവാൾ ഇന്ന് അറിയിച്ചത്. രാജസ്ഥാനിൽ മെയ് 3 വരെ സമ്പൂർണ്ണ ലോക് ഡൗൺ നടപ്പാക്കുകയാണെന്ന് സ‍ർക്കാർ ഇന്ന് പ്രഖ്യാപിച്ചു. സംസ്ഥാനത്തേക്ക് പുറത്തു നിന്നും വരുന്നവർക്കെല്ലാം കൊവിഡ് നെ​ഗറ്റീവ് സ‍ർട്ടിഫിക്കറ്റ് നിർബന്ധമാക്കിയിട്ടുണ്ട്. യുപിയിൽ 5 നഗരങ്ങളിൽ ലോക് ഡൗൺ നടപ്പാക്കാൻ അലഹബാദ് ഹൈക്കോടതി ഇന്ന് ഉത്തരവിട്ടു.