ന്യൂഡല്‍ഹി: ലോകാത്ഭുതങ്ങള്‍ കാണാന്‍ ആഗ്രഹിച്ചിരിക്കുന്നവര്‍ക്ക് ഒരു സന്തോഷ വാര്‍ത്ത. വിസ എടുക്കേണ്ട, വിമാനത്തില്‍ കയറേണ്ട, ലക്ഷങ്ങള്‍ മുടക്കേണ്ട, ദീര്‍ഘദൂരം യാത്രയും ചെയ്യേണ്ട. വെറും 50 രൂപ ചെലവാക്കിയാല്‍ നിങ്ങള്‍ക്ക് ഏഴ് ലോകാത്ഭുതങ്ങളും കണ്ട് മടങ്ങാം.
എങ്ങനെയാണെന്നല്ലേ. ടൂറിസ്റ്റുകളെ ആകര്‍ഷിക്കാനായി ഏഴ് ലോകാത്ഭുതങ്ങളുടെ മാതൃകകളാണ് ഇപ്പോള്‍ ഡല്‍ഹിയില്‍ ഒരുക്കിയിരിക്കുന്നത്. പ്രവേശന ഫീസ് 50 രൂപയാണ്. ടൂറിസ്റ്റുകള്‍ക്കായി തയ്യാറാക്കിയിരിക്കുന്ന ഈ പാര്‍ക്കിന് വേസ്റ്റ് ഓഫ് വണ്ടര്‍ എന്നാണ് പേര് നല്‍കിയിരിക്കുന്നത്. താജ് മഹല്‍, ഗിസയിലെ പിരമിഡ്, പാരീസിലെ ഈഫല്‍ ടവര്‍, പിസയിലെ ചരിഞ്ഞ ഗോപുരം, ബ്രീസിലിലെ അത്ഭുത നിര്‍മിതിയായ ക്രൈസ്റ്റ് ദ റെഡീമര്‍, റോമിലെ കൊളോസിയം, ന്യൂയോര്‍ക്കിലെ സ്റ്റാച്യൂ ഓഫ് ലിബര്‍ട്ടി എന്നിവയാണ് പാര്‍ക്കില്‍ ഒരുക്കിയിരിക്കുന്ന ഏഴ് മഹാത്ഭുത മാതൃകകള്‍.
ഈ മനോഹരമായ മാതൃകകളെല്ലാം നിര്‍മിച്ചിരിക്കുന്നത് വ്യവസായ മാലിന്യങ്ങള്‍ കൊണ്ടാണ് എന്നതാണ് ഏറ്റവും വലിയ പ്രത്യേകത. അതിനാലാണ് പാര്‍ക്കിന് വേസ്റ്റ് ഓഫ് വണ്ടര്‍ എന്ന പേര് നല്‍കിയിരിക്കുന്നത്. ദക്ഷിണ ദില്ലി മുന്‍സിപ്പല്‍ കോര്‍പ്പറേഷന്റെ മേല്‍നോട്ടത്തിലാണ് പാര്‍ക്ക് നിര്‍മിച്ചിരിക്കുന്നത്. കാറ്റാടി, സൗര ഊര്‍ജത്തിലാണ് പാര്‍ക്കിന്റെ പ്രവര്‍ത്തനം.
Post Your Comments