തിരുവനന്തപുരം: ശബരിമല ദര്‍ശനം നടത്താന്‍ പൊലീസിന്റെ വെബ് പോര്‍ട്ടലില്‍ ബുക്ക് ചെയ്തിരുന്ന യുവതികള്‍ നിലയ്ക്കലിലെ ബേസ് ക്യാമ്ബിലോ പമ്ബയിലെ ചെക്കിംഗ് കൗണ്ടറിലോ റിപ്പോര്‍ട്ട് ചെയ്തിട്ടില്ലെന്ന് പൊലീസ് അറിയിച്ചു. ആദ്യ ദിവസങ്ങളില്‍ രണ്ട് ഡസനിലേറെ യുവതികളാണ് ദര്‍ശനത്തിന് സമയം ബുക്കുചെയ്തിരുന്നത്. ദര്‍ശനത്തിനുള്ള സമയം സ്വയം തിരഞ്ഞെടുക്കാവുന്ന സംവിധാനമാണ് പൊലീസിന്റെ പോര്‍ട്ടലിലുള്ളത്. ഇതിനു പുറമേ നിലയ്ക്കല്‍ പമ്ബ ബസ് ടിക്കറ്റും മടക്ക ടിക്കറ്റും ബുക്ക് ചെയ്യാം. ഇനിയുള്ള ദിവസങ്ങളില്‍ എത്ര യുവതികള്‍ ദര്‍ശനത്തിന് ബുക്ക് ചെയ്തിട്ടുണ്ടെന്ന് പൊലീസ് വെളിപ്പെടുത്തുന്നില്ല.
Post Your Comments