കൊച്ചുവേളി- ബെംഗളൂരു ട്രെയിന്‍ മന്ത്രി അല്‍ഫോണ്‍സ് കണ്ണന്താനം ഫ്ലാഗ് ഓഫ് ചെയ്യും

തിരുവനന്തപുരം: കൊച്ചുവേളിയില്‍ നിന്നും ബെംഗളൂരിലേക്കുള്ള പുതിയ ട്രെയിന്‍ ഒക്ടോബര്‍ 20 ന് കേന്ദ്ര ടൂറിസം സഹമന്ത്രി അല്‍ഫോണ്‍സ് കണ്ണന്താനം ഫ്ലാഗ് ഓഫ് ചെയ്യും. വ്യാഴാഴ്ചയും ശനിയാഴ്ചയുമാണ് ട്രെയിന്‍ സര്‍വീസ് നടത്തുക. കൊച്ചുവേളിയില്‍ നിന്നും വൈകുന്നേരം 6.30 ന് പുറപ്പെട്ട് പിറ്റേന്നു രാവിലെ 10. 30 ന് ബെനാസ്‌വാടിയില്‍ എത്തിച്ചേരും. ബെനാസ് വാടിയില്‍ നിന്നും വെള്ളിയാഴ്ചയും ഞായറാഴ്ചയുമാണ് കൊച്ചുവേളിയിലേക്കുള്ള സര്‍വീസ്. വൈകുന്നേരം 7 നു പുറപ്പെട്ട് പിറ്റേന്ന് രാവിലെ 9. 05 ന് കൊച്ചുവേളിയില്‍ എത്തും.