ചെന്നൈ: സ്ത്രീകളെ മുസ്ലിം പള്ളികളില്‍ പ്രവേശിപ്പിക്കണമെന്ന ആവശ്യവുമായി നടി ഖുശ്ബു രംഗത്ത്. ശബരിമലയില്‍ സ്ത്രീപ്രവേശനത്തിന് സുപ്രീംകോടതി അനുമതി നല്‍കിയതുപോലെ മുസ്ലിം പള്ളികളിലും സ്ത്രീകള്‍ക്ക് പ്രവേശനം നല്‍കണമെന്ന വാദമാണ് അവര്‍ ഉയര്‍ത്തിയത്. ഹൈന്ദവാചാരങ്ങള്‍ക്കെതിരേ മാത്രം സുപ്രീംകോടതി രംഗത്തുവരുന്നതെന്തേ എന്ന ചോദ്യമുയര്‍ത്തുന്നതിനിടെയാണ് കോണ്‍ഗ്രസ് നേതാവും നടിയുമായ ഖുശ്ബു രംഗത്തെത്തിയിരിക്കുന്നത്.
മുസ്ലിം പള്ളികളില്‍ എല്ലാ ദിവസവും സ്ത്രീകള്‍ക്ക് പ്രവേശനം നല്‍കണമെന്ന ആവശ്യത്തിന് വേണ്ടി പോരാടുമെന്ന് ഖുശ്ബു വ്യക്തമാക്കി. ശബരിമലയില്‍ സ്ത്രീ പ്രവേശനം ശരിയായ സ്ഥിതിയ്ക്ക് ഇനി മുസ്ലിമ പള്ളികളിലും സ്ത്രീകളെ പ്രവേശിപ്പിക്കാനുള്ള ക്യാമ്പയിന്‍ ഉടന്‍ തുടങ്ങുമെന്നും ഖുശ്ബു വ്യക്തമാക്കി.
ദൈവം ഒന്നാണെന്നാണ് തന്റെ വിശ്വാസം. നിങ്ങള്‍ ശരിക്കും ദൈവവിശ്വാസിയാണെങ്കില്‍ ഈ വിധിയെ അംഗീകരിക്കും. സ്ത്രീകളെ അടിച്ചമര്‍ത്താന്‍ എന്ത്് വൃത്തികെട്ട കളിയും കളിക്കുന്ന മതമൗലികവാദികളായ പുരുഷാധിപതികളായ പുരുഷന്മാര്‍ മാത്രമാണ് മറിച്ചുചിന്തിക്കുകയെന്നും ഖുശ്ബു പറഞ്ഞു.
Post Your Comments