കാത്തിരിപ്പുകള്‍ക്ക് വിരാമമിട്ട് ആന്‍ഡ്രോയിഡ് പി എത്തി

സാൻ ഫ്രാൻസിസ്‌കോ: ആൻഡ്രോയിഡ് ഉപഭോക്താക്കളുടെ കാത്തിരിപ്പുകള്‍ക്ക് വിരാമമിട്ട് കൊണ്ട് ആൻഡ്രോയിഡിന്റെ ഏറ്റവും പുതിയ പതിപപ്പായ ആൻഡ്രോയിഡ് പി ഗൂഗിൾ അവതരിപ്പിച്ചു. ആന്‍ഡ്രോയിഡിന്റെ ഈ വേർഷന് ഗൂഗിൾ നൽകിയിരിക്കുന്ന പേര് ആന്‍ഡ്രോയിഡ് പൈ എന്നാണ്. മധുരപലഹാരങ്ങളുടെ പേരില്‍ ഓരോ വേർഷനുകൾക്ക് പേരിടുന്ന പതിവ് ഗൂഗിള്‍ ഇത്തവണയും തെറ്റിച്ചില്ല.

Also Read: ഡിജിറ്റല്‍ പണമിടപാടുകൾ പ്രോത്സാഹിപ്പിക്കാന്‍ ക്യാഷ്ബാക്ക് ഓഫര്‍ പ്രഖ്യാപിച്ച്‌ ജിഎസ്ടി കൗണ്‍സില്‍

ഉടനെ തന്നെ ഗൂഗിള്‍ പിക്സല്‍ സീരിസിൽപെട്ട എല്ലാ ഫോണുകള്‍ക്കും ആന്‍ഡ്രോയ്ഡ് പൈ അപ്‌ഡേറ്റ് ലഭിച്ചുതുടങ്ങും. എസ്സെന്‍ഷ്യല്‍ ഫോണ്‍, വണ്‍പ്ലസ് 6, നോകിയ 7 പ്ലസ്, നോക്കിയ 6.1, നോക്കിയ 8 സിറോക്കൊ, സാംസങിന്റെ പ്രീമിയം നിരയിലുള്ള ഫോണുകള്‍, ആന്‍ഡ്രോയിഡ് വണ്‍ ഫോണ്‍ മോഡലുകള്‍, വണ്‍പ്ലസ് 5ടി, വണ്‍പ്ലസ് 5 മോഡലുകള്‍ എന്നിവയ്‌ക്കെല്ലാം അപ്‌ഡേറ്റ് ആദ്യ ഘട്ടത്തിൽ ലഭ്യമാകും.