ദുബായ് ഡ്യൂട്ടി ഫ്രീ പുതിയ വിജയികളെ പ്രഖ്യാപിച്ചു; ഇന്ത്യക്കാരനായ പ്രവാസിയ്ക്ക് ജന്മദിനത്തില്‍ ലഭിച്ചത് ഒരു കിടിലന്‍ സമ്മാനം

ദുബായ്•റിയാദില്‍ നിന്നുള്ള സൗദി പൗരനാണ് ദുബായ് ഡ്യൂട്ടി ഫ്രീ നറുക്കെടുപ്പില്‍ ഒരു മില്യണ്‍ ഡോളര്‍ നേടുന്ന ഏറ്റവും പുതിയ വിജയി. മേയ് 30 ന് വാങ്ങിയ 276 ാം സീരീസിലെ 1380 ാം നമ്പര്‍ ടിക്കറ്റാണ് മൊഹമ്മദ്‌ അല്‍ ഹജ്‌രി എടുത്തത്.

മറ്റു രണ്ടു ഭാഗ്യവാന്മാരെയും ചൊവ്വാഴ്ച പ്രഖ്യാപിച്ചു. ഒരാള്‍ക്ക് ആഡംബര കാറും മറ്റൊരാള്‍ക്ക് ആഡംബര ബൈക്കും സമ്മാനമായി ലഭിച്ചു.

ദുബായില്‍ താമസിക്കുന്ന 46 കാരനായ ലെസ്‌ലി ഫെര്‍ണാണ്ടസ് ഒരു ബി.എം.ഡബ്ല്യൂ എക്സ് 6 കാര്‍ നേടി. 1689 ാം സീരിസിലെ 1211 എന്ന ടിക്കറ്റ് നമ്പരാണ് ലെസ്‌ലിയെ വിജയിയാക്കിയത്. ഇന്ന് ജന്മദിനം ആഘോഷിക്കുന്ന വേളയിലാണ് ലെസ്‌ലിയെ തേടി സന്തോഷവാര്‍ത്ത‍യെത്തിയത്.

മുസ്തഫ സി.വി എന്നയാള്‍ക്ക് ഒരു ബി.എം.ഡബ്ല്യൂ എസ് 1000 ആര്‍ആര്‍ മോട്ടോര്‍ ബൈക്ക് സമ്മാനമായി ലഭിച്ചു.