കണ്ണടച്ച് തുറക്കുംമുന്‍പ് കോടീശ്വരനായി ദുബായ് പ്രവാസി

ദുബായ്•ദുബായ് ഡ്യൂട്ടി ഫ്രീ നറുക്കെടുപ്പില്‍ ദുബായില്‍ പ്രവാസിയായ സിറിയന്‍ പൗരന് ഒരു മില്യണ്‍ ഡോളര്‍ (ഏകദേശം 6.8 കോടി ഇന്ത്യന്‍ രൂപ) സമ്മാനം. ദുബായ് അന്താരാഷ്ട്ര വിമാനത്താവളത്തിലെ ടെര്‍മിനല്‍ മൂന്നിലെ കോണ്‍കോഴ്സ് 3 യില്‍ വച്ച് നടന്ന നറുക്കെടുപ്പിലാണ് 273 ാം സീരീസിലെ 4710 എന്ന ടിക്കറ്റ് നമ്പറിന് ഒന്നാം സമ്മാനം ലഭിച്ചത്.

ഓണ്‍ലൈന്‍ വഴിയാണ് സമ്മാനാര്‍ഹമായ ടിക്കറ്റ് സിറിയന്‍ പൗരന്‍ വാങ്ങിയത്.

തുടര്‍ന്ന് നടന്ന നറുക്കെടുപ്പില്‍ ഈജിപ്തില്‍ നിന്നുള്ള 33 കാരനായ ഹസന്‍ ഇബ്രാഹിം ബി.എം.ഡബ്ല്യൂ ബൈക്ക് സമ്മാനമായി നേടി. 335 ാം സീരിലെ ടിക്കറ്റ് നമ്പര്‍ 0356 ആണ് ഇദ്ദേഹത്തെ വിജയിയാക്കിയത്.