ദുബായ്: തങ്ങളുടെ ജോലിസ്ഥലത്ത് ‘സയീദ് ഹാപ്പിനെസ് വാൻ’ എന്ന പേരിൽ ഒരു വാൻ എത്തിയപ്പോൾ അത്ഭുതത്തോടെയാണ് ആയിരത്തിലേറെ തൊഴിലാളികൾ ആ കാഴ്ച കാണാനെത്തിയത്. സയീദ് വർഷം ആഘോഷിക്കുന്നതിന്റെ ഭാഗമായി ഞായറാഴ്ച ഉച്ചയ്ക്ക് 12 മണിയോടെയാണ് സൗജന്യഭക്ഷണം നൽകുന്ന ഈ വാൻ ഉദ്‌ഘാടനം ചെയ്‌തത്‌. ‘എല്ലാവരും സന്തോഷം ആഗ്രഹിക്കുന്നു’ എന്നാണ് ഈ സംരംഭത്തിന്റെ ടാഗ്‌ലൈൻ.
Read Also: ഈ മാര്‍ഗങ്ങള്‍ എടിഎം സര്‍വ്വീസ് ചാര്‍ജ്ജ് ഒഴിവാക്കാൻ നിങ്ങളെ സാഹായിക്കും
ചാരിറ്റിയുമായി ബന്ധപ്പെട്ട ചില ചോദ്യങ്ങൾ ഭക്ഷണം വാങ്ങാൻ എത്തിയവരോട് ചോദിക്കുകയും ഇതിന് ശരിയായി ഉത്തരം നൽകിയവർക്ക് സമ്മാനങ്ങൾ നൽകുകയും ചെയ്‌തു. കൂടാതെ ഒരു ഭാഗ്യവാന് നാട്ടിലേക്ക് പോകാനായുള്ള സൗജന്യ ടിക്കറ്റും അധികൃതർ നൽകുന്നുണ്ട്. പ്രത്യേക സമ്മാനങ്ങളും ഹാപ്പിനെസ് സ്റ്റിക്കേഴ്‌സും നൽകിയതിലൂടെ തൊഴിലാളികളും ആവേശത്തിലായി. ഈ സംരംഭത്തിന്റെ ഭാഗമായി കൂടുതൽ ലേബർ ക്യാമ്പുകൾ, തൊഴിൽ സ്ഥലങ്ങൾ എന്നിവ സന്ദർശിക്കാനാണ് അധികൃതരുടെ തീരുമാനം.
Post Your Comments