ബെയ്ജിംഗ്: പ്രസിഡന്‍റ് ഷി ചിന്‍പിംഗുമായുള്ള അനൗദ്യോഗിക ഉച്ചകോടിക്കെത്തിയ പ്രധാനമന്ത്രി നരേന്ദ്രമോദിയെ ചൈനാക്കാർ വരവേറ്റത് ബോളിവുഡ് ഗാനത്തിനൊപ്പം. 1982ല്‍ ഇറങ്ങിയ ‘യേ വാദാ രഹാ’ എന്ന ചിത്രത്തില്‍ ആര്‍.ഡി. ബര്‍മന്‍ സംഗീതം നല്കിയ ‘തു തു ഹേ വഹി ദില്‍ നെ ജിസെ അപ്നാ കഹാ’ എന്ന ഗാനമാണ് വുഹാനിലെ ഹുബെ പ്രവിശ്യാ മ്യൂസിയത്തില്‍ നല്കിയ സ്വീകരണത്തിൽ സംഗീതോപകരണങ്ങളില്‍ വായിച്ചത്. ഗാനം ആലപിച്ച ആശാ ബോസ്‌ലയും ഗാനരംഗത്തില്‍ അഭിനയിച്ച റിഷി കപൂറും ഇതിൽ സന്തോഷം രേഖപ്പെടുത്തുകയുണ്ടായി.
Read Also: സി.പി.ഐ പാര്‍ട്ടി കോണ്‍ഗ്രസ് സമാപിച്ചു: ദേശീയ നേതൃത്വത്തിന്റെ പൂര്‍ണ പട്ടിക കാണാം
ബോളിവുഡ് അടക്കമുള്ള ഏതാനും ഇന്ത്യന്‍ സിനിമകള്‍ താൻ കണ്ടിട്ടുണ്ടെന്നും ഇന്ത്യയിലേക്കു കൂടുതല്‍ ചൈനീസ് സിനിമകളും ചൈനയിലേക്ക് കൂടുതല്‍ ഇന്ത്യന്‍ സിനിമകളും വരുന്നത് നല്ലതായിരിക്കുമെന്നും ചിന്‍പിംഗ് പറഞ്ഞതായി വിദേശകാര്യ സെക്രട്ടറി വിജയ് ഖോകലെ പത്രസമ്മേളനത്തിൽ വ്യക്തമാക്കി.
Post Your Comments