ജനക്കൂട്ടത്തിലേക്ക് വാന്‍ ഇടിച്ചുകയറി ഒമ്പതു പേര്‍ക്ക് ദാരുണാന്ത്യം. അപകടത്തില്‍ 16 പേര്‍ക്ക് പരിക്കേല്‍ക്കുകയും ചെയ്തു. ആക്രമണത്തിനു ശേഷം ‘എന്നെ വെടിവയ്ക്കൂ, എന്നെ വെടിവയ്ക്കൂ’ എന്നാക്രോശിച്ച് കൊണ്ട് വാന്‍ ഡ്രൈവര്‍ പാഞ്ഞെടുത്തെങ്കിലും പോലീസ് കീഴടക്കി. കാനഡയിലെ ടൊറന്റോയില്‍ തിരക്കേറിയ നഗരത്തില്‍ അജ്ഞാതന്‍ ജനക്കൂട്ടത്തിനിടയിലേക്ക് വാന്‍ ഇടിച്ചുകയറ്റുകയായിരുന്നു.
ഫിഞ്ച് ആന്‍ഡ് യംഗ് സ്ട്രീറ്റിന് സമീപം ഇന്ത്യന്‍ സമയം രാത്രി 11നാണ് ആക്രമണമുണ്ടായത്. വഴിയാത്രികര്‍ക്കിടയിലേക്ക് വാന്‍ ഓടിച്ചുകയറ്റുകയായിരുന്നു. മനപ്പൂര്‍വം വരുത്തിയ അപകടമാണിതെന്നാണ് റിപ്പോര്‍ട്ട്. വാന്‍ഡ്രൈവര്‍ ഒറ്റയ്ക്കാണോ അതോ പിന്നില്‍ മറ്റാരെങ്കിലുമുണ്ടോ എന്നു പറയാറായിട്ടില്ലെന്ന് അധികൃതര്‍ പറഞ്ഞു.
ഭീകരാക്രമണത്തിനുള്ള സാധ്യത തള്ളുന്നില്ലെന്നു ദൃക്‌സാക്ഷികള്‍ പറഞ്ഞു. എന്നാല്‍ ഇക്കാര്യം പോലീസ് സ്ഥിരീകരിച്ചിട്ടില്ല. സംഭവത്തില്‍ ടൊറന്റോ പോലീസ് അന്വേഷണം ആരംഭിച്ചിട്ടുണ്ട്.
Post Your Comments