കൊച്ചി: ഡെല്‍ഹിക്കെതിരെ മിന്നുന്ന വിജയം നേടിയ കേരളാ ബ്ലാസ്റ്റേഴ്‌സ് നാളെ മുംബൈ സിറ്റി എഫ്‌സിയെ നേരിടുകയാണ്. സൂപ്പര്‍ താരം ഇയാന്‍ ഹ്യൂം ഫോമില്‍ മടങ്ങിയെത്തിയത് ബ്ലാസ്റ്റേഴ്‌സിന് പുതുജീവന്‍ നല്‍കിയിരിക്കുകയാണ്. പരിക്ക് ഭേദമായി സികെ വിനീതും നാളെ കളത്തിലിറങ്ങുമെന്നാണ് പ്രതീക്ഷ.
ടീം അംഗങ്ങളെ കുറിച്ചുള്ള ചില കാര്യങ്ങള്‍ വെളിപ്പെടുത്തിയിരിക്കുകയാണ് സികെ വിനീത്. ബ്ലാസ്റ്റേഴ്‌സ് ടീമിലെ ഏറ്റവും തമാശക്കാരന്‍ ഇയാന്‍ ഹ്യൂമാണെന്നാണ് വിനീത് പറയുന്നത്. ഏറ്റവും നന്നായി ഡ്രസ്സ് ധരിക്കുന്നത് ബെര്‍ബറ്റോവ് ആണെന്നും വിനീത് പറയുന്നു.
ടീമിലെ സ്‌കില്‍ കൂടിയ കളിക്കാരന്‍ ഫ്രീസ്‌റ്റൈയിലാണ്. ടീമിലെ ഏറ്റവും വേഗതയേറിയ താരം താന്‍ തന്നെയാണെന്നാണ് വിനീത് പറയുന്നത്. സംഗീത പ്രേമിയായ ടീം അംഗം നായകന്‍ സന്ദേശ് ജിങ്കനാണ്. ഫിറ്റ്‌നസ് നിലനിര്‍ത്തുന്നതില്‍ താരങ്ങള്‍ ഒന്നിനൊന്ന് മികച്ചതാണെന്നും വിനീത് പറയുന്നു. ടീമുമായി ബന്ധപ്പെട്ട ചോദ്യങ്ങള്‍ക്ക് വിനീത് മറുപടി പറയുന്ന വീഡിയോ കേരള ബ്ലാസ്റ്റേഴ്സിന്റെ ഔദ്യോഗിക ഫെയസ്ബുക്ക് പേജിലാണ് പങ്കുവെച്ചിരിക്കുന്നത്.
Post Your Comments