ലോറിയിൽ ഒളിപ്പിച്ച് കടത്താൻ ശ്രമിച്ച കഞ്ചാവ് പിടികൂടി

തൃശൂർ : ലോറിയിൽ ഒളിപ്പിച്ച് കടത്താൻ ശ്രമിച്ച കഞ്ചാവ് പിടികൂടി. തൃ​ശൂ​ർ ശ​ക്ത​ൻ മാ​ർ​ക്ക​റ്റി​ൽ​ നിന്നും കാ​യ​ലോ​റി​യി​ൽ ഒളിപ്പിച്ച് കടത്താൻ ശ്രമിച്ച അഞ്ചു കിലോ കഞ്ചാവാണ് പിടികൂടിയത്. സംഭവുമായി ബന്ധപ്പെട്ട് ഡ്രൈ​വ​ർ ക​ട്ട​പ്പ​ന പാമ്പാ​ടും​പാ​റ സ്വ​ദേ​ശി ക​റു​പ്പു​സ്വാ​മി(38)​യെ അ​റ​സ്റ്റു ചെ​യ്തു. ഇയാൾ ആ​ർ​ക്കു​ വേ​ണ്ടി​യാ​ണ് ക​ഞ്ചാ​വ് എ​ത്തി​ച്ച​തെ​ന്നു വ്യ​ക്തമല്ല.

എ​ക്സൈസിനു ര​ഹ​സ്യ​വി​വ​രം ല​ഭി​ച്ച​തി​ന്‍റെ അ​ടി​സ്ഥാ​ന​ത്തി​ൽ നടത്തിയ പരിശോധനയിലാണ് കഞ്ചാവ് പിടികൂടിയത്. കമ്പം തേ​നി ഭാ​ഗ​ത്തു​നി​ന്നും തൃ​ശൂ​രി​ലേ​ക്കും എ​ട​പ്പാ​ളി​ലേ​ക്കും കാ​യ ക​യ​റ്റി​ക്കൊ​ണ്ടു​പോ​കു​ന്ന ലോ​റി​യു​ടെ കാ​ബി​ന​ക​ത്തെ സീ​റ്റി​ന​ടി​യി​ൽ കഞ്ചാവ് പാ​ക്ക​റ്റു​ക​ളി​ലാ​ക്കി കടത്താനായിരുന്നു ശ്രമം. ഇ​തി​നു​ മു​ൻപും ഇ​യാ​ൾ ഇ​ത്ത​ര​ത്തി​ൽ ക​ഞ്ചാ​വ് ക​ട​ത്തി​യി​ട്ടു​ണ്ടെന്ന് എ​ക്സൈസ് അധികൃതർ പറഞ്ഞു. കൂടാതെ നേ​ര​ത്തെ ഒ​ന്നേ​കാ​ൽ കി​ലോ ക​ഞ്ചാ​വ് ക​ട​ത്തി​യതുമായി ബന്ധപ്പെട്ട് ആ​ലു​വ പോ​ലീ​സ് സ്റ്റേഷനില്‍ ഇ​യാ​ൾ​ക്കെ​തി​രെ കേസ്സുണ്ട്.