സ​ഹോ​ദ​ര​നൊ​പ്പം ട്യൂ​ഷ​ന് പോ​യ ആ​റു വ​യ​സു​കാ​രി​യെ ത​ട്ടി​ക്കൊ​ണ്ടുപോ​യി: പരാതി

കൊ​ല്ലം: സ​ഹോ​ദ​ര​നൊ​പ്പം ട്യൂ​ഷ​ന് പോ​യ ആ​റു വ​യ​സു​കാ​രി​യെ ത​ട്ടി​ക്കൊ​ണ്ടു​പോ​യ​താ​യി പ​രാ​തി. ഓ​യൂ​ർ സ്വ​ദേ​ശി റെ​ജി​യു​ടെ മ​ക​ൾ അ​ഭി​കേ​ൽ സാ​റ​യെ​യാ​ണ് ത​ട്ടി​ക്കൊ​ണ്ടു​പോ​യ​ത്. റെ​ജി​യു​ടെ മൂത്ത മകന്‍ ജോനാഥനൊപ്പം ട്യൂഷന് പോകുമ്പോഴാണ് ത​ട്ടി​ക്കൊ​ണ്ടു​പോ​കൽ നടന്നത്.

Read Also : അച്ചടക്ക ലംഘനവും ഔദ്യോഗിക കൃത്യ നിർവഹണത്തിൽ വീഴ്ചയും: കാട്ടാക്കട എംവിഐയ്ക്ക് സസ്പെൻഷൻ

കൊ​ല്ലം ഓ​യൂ​ർ കാ​റ്റാ​ടി​മു​ക്കി​ൽ വ​ച്ചാ​ണ് സം​ഭ​വം. വെ​ള്ള ഹോ​ണ്ട അ​മേ​യ്സ് കാ​റി​ലെ​ത്തി​യ ഒരു സ്ത്രീയും മൂന്ന് പുരുഷന്മാരും അടങ്ങുന്ന സം​ഘ​മാ​ണ് അ​ഭി​കേ​ലി​നെ ത​ട്ടി​ക്കൊ​ണ്ടു​പോ​യ​തെ​ന്ന് സ​ഹോ​ദ​ര​ൻ പ​റ​ഞ്ഞു.

ഒരു പേപ്പര്‍ തന്ന് അമ്മയ്ക്ക് കൊടുക്കുമോ എന്ന് കാറിലുള്ളവര്‍ പറഞ്ഞതായി സഹോദരന്‍ പറയുന്നു. തുടര്‍ന്ന്, പെണ്‍കുട്ടിയെ കാറിലേക്ക് വലിച്ചിഴച്ചു കൊണ്ടുപോയി. തടുക്കാന്‍ ശ്രമിച്ചപ്പോള്‍ കാര്‍ പെട്ടെന്ന് മുന്നോട്ടെടുക്കുകയും സഹോദരന്‍ താഴെ വീഴുകയുമായിരുന്നു.

സം​ഭ​വ​ത്തി​ൽ പൂ​യ​പ്പ​ള്ളി പൊ​ലീ​സ് അ​ന്വേ​ഷ​ണം ആ​രം​ഭി​ച്ചു. സിസിടിവി ദൃശ്യങ്ങളില്‍ കാര്‍ കണ്ടെത്തിയിട്ടുണ്ട്. എന്നാല്‍, കാറിന്റെ നമ്പര്‍ ദൃശ്യങ്ങളില്‍ വ്യക്തമല്ല. തിരുവനന്തപുരം രജിസ്‌ട്രേഷനാണെന്ന് പൊലീസ് പറയുന്നു. കാറിന്റെ നമ്പര്‍ വ്യാജമാകാനും സാധ്യതയുണ്ടെന്നും പൊലീസ് അറിയിച്ചു.

Read Also : ശബരിമല തീർത്ഥാടകർക്ക് സന്തോഷ വാർത്ത! കോട്ടയം-ചെങ്കോട്ട പാതയിൽ സ്പെഷ്യൽ ട്രെയിൻ അനുവദിച്ചു