മലപ്പുറം: കാറിൽ കടത്തിയ കേസില്‍ മാൻകൊമ്പുകളുമായി രണ്ട് പേർ പിടിയിൽ. നിലമ്പൂർ കൂറ്റമ്പാറ സ്വദേശികളായ മുഹമ്മദാലി, മലയിൽ ഉമ്മർ എന്നിവരാണ് മലപ്പുറം വണ്ടൂർ പൊലീസിന്റെ പിടിയിലായത്.
മലയോര മേഖലകൾ കേന്ദ്രീകരിച്ച് ആനക്കൊമ്പ്, മാൻ കൊമ്പ് തുടങ്ങിയവ കച്ചവടം നടത്തുന്ന സംഘങ്ങൾ പ്രവർത്തിക്കുന്നതായി പൊലീസിന് വിവരം ലഭിച്ചിരുന്നു. ഇതിന്റെ അടിസ്ഥാനത്തിൽ വണ്ടൂർ പൊലീസും, ജില്ലാ പൊലീസ് മേധാവിയുടെ പ്രത്യേക സംഘവും ചേർന്ന് നടത്തിയ വാഹന പരിശോധനയിലാണ് ഇവര്‍ അറസ്റ്റിലായത്. രണ്ട് മാൻ കൊമ്പുകൾ ഇവരിൽ നിന്ന് കണ്ടെടുത്തു.
മാൻ കൊമ്പുകൾ ലക്ഷങ്ങൾ വില പറഞ്ഞുറപ്പിച്ച ശേഷം വിൽപ്പനക്കായി കൊണ്ട് പോകുന്നതിനിടെയാണ് പൊലീസിന്റെ വലയിലാകുന്നത്. പ്രതികളെ പൊലീസ് വിശദമായി ചോദ്യം ചെയ്തു വരികയാണ്.
Post Your Comments