ന്യൂഡല്‍ഹി: സിയാച്ചിനില്‍ 2013 മുതല്‍ മരണപ്പെട്ട സൈനികരുടെ കണക്ക് കേന്ദ്രസര്‍ക്കാര്‍ പുറത്തുവിട്ടു. ഈ കാലയളവില്‍ 41 സൈനികര്‍ മരണപ്പെട്ടതായി പ്രതിരോധ മന്ത്രി മനോഹര്‍ പരീക്കര്‍ ലോക്സഭയില്‍ എഴുതി നല്‍കിയ മറുപടിയില്‍ വ്യക്തമാക്കി.
2013 ല്‍ 10 ഉം 2014 ല്‍ എട്ടും 2015 ല്‍ ഒമ്പതു സൈനികരും സിയാച്ചിനിലെ ഹിമപാതത്തില്‍ മരണപ്പെട്ടു. ഈ വര്‍ഷം 14 സൈനികര്‍ക്കും സിയാച്ചിനില്‍ മരണപ്പെട്ടു.
ലോകത്തിലെ ഏറ്റവും ഉയരംകൂടിയ സൈനിക താവളമാണ് സിയാച്ചിനിലേത്. ശൈത്യകാലത്ത് ഈ പ്രദേശത്ത് മഞ്ഞിടിച്ചില്‍ സാധാരണയാണ്. ഇവിടെ ശൈത്യകാലത്ത് താപനില മൈനസ് 60 ഡിഗ്രിവരെയാകും.
Post Your Comments