ബംഗളൂരു: പിറന്നാൾ നിറവിൽ കോൺഗ്രസ് നേതാവ് ഡി കെ ശിവകുമാർ. കർണാടക നിയമസഭാ തെരഞ്ഞെടുപ്പിൽ നേടിയ വലിയ വിജയത്തിന്റെ സന്തോഷങ്ങൾക്കിടെയാണ് ഡി കെ ശിവകുമാറിന്റെ ജന്മദിനാഘോഷവും നടക്കുന്നത്.
എംഎൽഎമാരുടെ യോഗത്തിൽ വച്ചായിരുന്നു. ഡി കെ ശിവകുമാറിന്റെ പിറന്നാൾ ആഘോഷം. കഴിഞ്ഞ ദിവസം രാത്രി ബംഗളുരുവിലെ സ്വകാര്യ ഹോട്ടലിലായിരുന്നു ആഘോഷം നടന്നത്. സിദ്ധരാമയ്യ ഡി കെ ശിവകുമാറിന് കേക്ക് നൽകിയാണ് ആഘോഷങ്ങൾക്ക് തുടക്കം കുറിച്ചത്.
എഐസിസി ജനറൽ സെക്രട്ടറി രൺദീപ് സിങ് സുർജേവാല, മുൻമന്ത്രി ദിനേശ് ഗുണ്ടുറാവു, കെപിസിസി വർക്കിങ് പ്രസിഡന്റ് സലീം അഹമ്മദ് എന്നിവർ ചടങ്ങിൽ പങ്കെടുത്തിരുന്നു. കോൺഗ്രസിനു പിന്തുണ പ്രഖ്യാപിച്ച് യോഗത്തിനെത്തിയ സ്വതന്ത്രയടക്കം 136 എംഎൽഎമാരും ആഘോഷിന്റെ ഭാഗമായി. കർണാടക മുഖ്യമന്ത്രി ആരാകുമെന്ന ആശയക്കുഴപ്പങ്ങൾക്കിടെയാണ് ഡി കെ ശിവകുമാറിന്റെ ജന്മദിനാഘോഷം നടന്നത്.
Post Your Comments