സാരി ചുറ്റി ബൈക്കിൽ 80,000 കിലോമീറ്റർ സഞ്ചരിച്ച് 40 രാജ്യങ്ങൾ താണ്ടാനൊരുങ്ങി രമാഭായി ലത്പത്തേ: പ്രചോദനം പ്രധാനമന്ത്രി

പൂനെയിൽ നിന്നുള്ള രമാഭായി ലത്പതേ എന്ന സ്ത്രീ ലോകമെമ്പാടും സഞ്ചരിക്കാൻ ഒരുങ്ങുകയാണ്. മഹാരാഷ്ട്രിയൻ നൗവാരി സാരി ധരിച്ചുകൊണ്ട് ലോകമെമ്പാടും ഒറ്റയ്ക്ക് ബൈക്ക് ഓടിക്കുക എന്ന അവിശ്വസനീയമായ നേട്ടത്തിനാണ് പൈലറ്റായ രമാഭായി ലത്പതേ ശ്രമിക്കുന്നത്.

പ്രധാനമന്ത്രി നരേന്ദ്ര മോദി നടത്തിയ പ്രസ്താവനകളാണ് തന്നെ പ്രേരിപ്പിച്ചതെന്ന് രമാഭായി പറഞ്ഞു. ‘ഇന്ത്യയിലെ സ്ത്രീകൾ അസാധാരണമായ പുരോഗതി കൈവരിക്കുന്നു’ എന്ന് ജി 20 ഉച്ചകോടിയിൽ പ്രധാനമന്ത്രി മോദി പരാമർശിച്ചിരുന്നു.

ഐഫോണ്‍ 12 മിനി സ്വന്തമാക്കണോ, കിടിലൻ ഓഫറുമായി ഫ്ലിപ്കാർട്ട് എത്തി

12 ജി 20 അംഗരാജ്യങ്ങളും 30 അധിക രാജ്യങ്ങളും ഉൾപ്പെടെ 6 ഭൂഖണ്ഡങ്ങളിലായി വ്യാപിച്ചുകിടക്കുന്ന 40 രാജ്യങ്ങളിലൂടെ സോളോ ബൈക്ക് റൈഡ് ചെയ്യാനുള്ള ദൗത്യത്തിലാണ് രമാഭായി. മോശം കാലാവസ്ഥ കണക്കിലെടുത്ത് ശരിയായ റൂട്ട് തിരഞ്ഞെടുക്കാൻ, വായുവിലെ അനുഭവവും മാപ്പ് വായിക്കാനുള്ള കഴിവും തന്നെ സഹായിച്ചതായി സംരംഭകയും പൈലറ്റും ആയ രമാഭായി അവകാശപ്പെട്ടു.

അന്താരാഷ്ട്ര വനിതാ ദിനമായ 2023 മാർച്ച് 8ന് മുംബൈയിലെ ഗേറ്റ്‌വേ ഓഫ് ഇന്ത്യയിൽ നിന്നാണ് രമാഭായി തന്റെ സോളോ ബൈക്ക് റൈഡ് ടൂർ ആരംഭിച്ചത്. മുംബൈയിൽ നിന്ന് ഡൽഹിയിലേക്കുള്ള യാത്രയ്ക്ക് ശേഷം ബൈക്ക് ഓസ്‌ട്രേലിയയിലേക്ക് കൊണ്ടുപോകും.

‘അന്തംകമ്മികൾ തോറ്റു പോകുന്നത് അവിടെയാണ്’: സൈബർ ആക്രമണം നടത്തിയ സൈബർ സഖാക്കളോട് മാധ്യമ പ്രവർത്തകൻ ഫിറോസ് പറയുന്നു

പെർത്തിനും സിഡ്‌നിക്കും ഇടയിലുള്ള ഏകദേശം 1,600 കിലോമീറ്റർ യാത്ര ദുഷ്‌കരമായ ഭാഗമാണ്. ഈ 1,600 കിലോമീറ്റർ പ്രദേശത്ത് ശരിയായ മനുഷ്യവാസസ്ഥലങ്ങളോ സെൽഫോൺ കണക്റ്റിവിറ്റിയോ ഇല്ല.ഇവിടങ്ങളിലും രമാഭായി ഒറ്റയ്ക്ക് യാത്ര ചെയ്യും, ഇടയ്ക്കിടെ കാട്ടിൽ നിർത്തി ഒരു കൂടാരത്തിൽ തനിയെ താമസിക്കും.

ഏകദേശം ഒരു വർഷത്തിനുള്ളിൽ, രമാഭായി ലത്പതെ തന്റെ സൂപ്പർബൈക്കിൽ 80,000 കിലോമീറ്റർ സഞ്ചരിക്കും. ഒറ്റയ്ക്ക് സവാരി ചെയ്യാൻ ഭയപ്പെടുന്നില്ലെന്നും കുത്തനെയുള്ള പർവതങ്ങളും മഞ്ഞുമൂടിയ മൺപാതകളും പോലെയുള്ള വെല്ലുവിളി നിറഞ്ഞ പ്രദേശങ്ങളിലൂടെ യാത്ര ചെയ്യുമ്പോൾ നേരിടാനിടയുള്ള മോശം കാലാവസ്ഥയെ കാര്യമാക്കുന്നില്ലെന്നും രമാഭായി പറയുന്നു.

ചിത്രങ്ങളിലെ ടെക്സ്റ്റുകൾ ഇനി എളുപ്പത്തിൽ കോപ്പി ചെയ്യാം, പുതിയ ഫീച്ചറുമായി വാട്സ്ആപ്പ് എത്തുന്നു

തന്റെ 365 ദിവസത്തെ സോളോ ബൈക്ക് യാത്രയുടെ ചിലവ് ഒരു കോടിയിലധികം വരുമെന്ന് രമാഭായി വെളിപ്പെടുത്തുന്നു. പ്രാരംഭ ചെലവുകൾക്കായി തന്റെ എസ്‌യുവിയും സ്വർണ്ണാഭരണങ്ങളും വിറ്റതിന് പുറമേ, തന്റെ സമ്പാദ്യമെല്ലാം താൻ ഇതിനകം ഉപയോഗിച്ചുവെന്നും അവർ വ്യക്തമാക്കി.

യാത്രായുടെ ചിലവിനായി ഒരാൾക്ക് 1 രൂപ എന്ന രീതിയിൽ ക്രൗഡ് ഫണ്ടിംഗ് അഭ്യർത്ഥന നടത്തുകയാണ് രമാഭായി. ഇതിനായി കോർപ്പറേറ്റ് കമ്മ്യൂണിറ്റികളുമായും തിരഞ്ഞെടുക്കപ്പെട്ട ഉദ്യോഗസ്ഥരുമായും അവർ ബന്ധപ്പെട്ടിട്ടുണ്ട്. മഹാരാഷ്ട്ര മുഖ്യമന്ത്രി ഏക്‌നാഥ് ഷിൻഡെയും സംസ്ഥാന മന്ത്രി ഗിരീഷ് മഹാജനും രമാഭായിയുടെ സോളോ ബൈക്ക് യാത്രയെ അഭിനന്ദിക്കുകയും അവരുടെ ശ്രമത്തിന് പിന്തുണയായി ഒരു രൂപ വീതം നൽകുകയും ചെയ്തു.