പാലക്കാട്: വടക്കഞ്ചേരിയില്‍ അനധികൃതമായി പടക്കം നിര്‍മിക്കുന്നതിനിടെയുണ്ടായ അപകടത്തില്‍ രണ്ട് പേര്‍ക്ക് ഗുരുതര പരിക്ക്. ജയദേവന്‍, മോഹനന്‍ എന്നിവര്‍ക്കാണ് പരിക്കേറ്റത്. ഇവരെ കോയമ്പത്തൂരിലെ സ്വകാര്യ ആശുപത്രിയിലേക്ക് മാറ്റി.
ഞായറാഴ്ച വൈകിട്ട് വടക്കഞ്ചേരി തേനിടുക്കിലെ അപ്ലൈഡ് സയന്‍സ് കോളജിന് സമീപമാണ് അപകടമുണ്ടായത്. വലിയ ശബ്ദം കേട്ട് നാട്ടുകാര്‍ ആണ് പൊലീസിൽ വിവരം അറിയിച്ചത്.
പൊലീസ് വിവരം ആരാഞ്ഞപ്പോള്‍ ഗ്യാസ് സിലിണ്ടര്‍ പൊട്ടിത്തെറിച്ചെന്നാണ് വീട്ടുകാര്‍ അറിയിച്ചത്. എന്നാൽ, പിന്നീട് നടത്തിയ പരിശോധനയിലാണ് പടക്കത്തിന് തീപിടിച്ചതാണെന്ന് വ്യക്തമായത്. സംഭവത്തിൽ പൊലീസ് അന്വേഷണം ആരംഭിച്ചു.
Post Your Comments