ഹോണർ എക്സ്40 ജിടി എത്തി, ആദ്യം പുറത്തിറക്കിയത് ഈ വിപണിയിൽ

ഹുവാവെയുടെ ഏറ്റവും പുതിയ സ്മാർട്ട്ഫോണായ ഹോണർ എക്സ്40 ചൈനീസ് വിപണിയിൽ പുറത്തിറക്കി. വ്യത്യസ്ഥവും നൂതനവുമായ നിരവധി സവിശേഷതകളാണ് ഈ സ്മാർട്ട്ഫോണുകളിൽ ഉൾക്കൊള്ളിച്ചിട്ടുള്ളത്. പുതിയ ഫീച്ചറുകൾ പരിചയപ്പെടാം.

6.81 ഇഞ്ച് ഫുൾ എച്ച്ഡി പ്ലസ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 2,388 ×1,080 പിക്സൽ റെസല്യൂഷൻ കാഴ്ചവയ്ക്കുന്നുണ്ട്. 144 ഹെർട്സാണ് റിഫ്രഷ് റേറ്റ്. സ്നാപ്ഡ്രാഗൺ 888 പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 12 ആണ്.

Also Read: ഇന്ത്യൻ വിപണിയിലെ താരമാകാൻ മോട്ടോറോള ഇ22എസ് എത്തി, വിലയും സവിശേഷതയും അറിയാം

50 മെഗാപിക്സൽ, 2 മെഗാപിക്സൽ, 2 മെഗാപിക്സൽ ട്രിപ്പിൾ പിൻ ക്യാമറയാണ് പിന്നിൽ നൽകിയിട്ടുള്ളത്. 16 മെഗാപിക്സലാണ് സെൽഫി ക്യാമറ. 4,800 എംഎഎച്ച് ബാറ്ററി ലൈഫ് ലഭ്യമാണ്. 12 ജിബി റാം പ്ലസ് 256 ജിബി ഇന്റേണൽ സ്റ്റോറേജിലാണ് ഹോണർ എക്സ്40 ജിടി പുറത്തിറക്കിയിരിക്കുന്നത്.