യു.എ.ഇയ്ക്കെതിരെ ഇന്ത്യയ്ക്ക് വിജയം: ഇത് തുടര്‍ച്ചയായ നാലാം ജയം

ധാക്ക: ഏഷ്യാകപ്പ്‌ ക്രിക്കറ്റില്‍ യു.എ.ഇയ്ക്കെതിരെ ഇന്ത്യക്ക് വിജയം. 9 വിക്കറ്റിനാണ് ഇന്ത്യ യു.എ.ഇയെ തകര്‍ത്തത്. ടൂര്‍ണമെന്റിലെ ഇന്ത്യയുടെ തുടര്‍ച്ചയായ നാലാമത്തെ വിജയമാണിത്.

ആദ്യം ബാറ്റ് ചെയ്ത യു.എ.ഇയ്ക്ക് നിശ്ചിത 20 ഓവറില്‍ 9 വിക്കറ്റ് നഷ്ടത്തില്‍ 83 റണ്‍സ് എടുക്കാനേ കഴിഞ്ഞുള്ളു. 43 റണ്‍സ് എടുത്ത ഷൈമാന്‍ അന്‍വര്‍ മാത്രമാണ് യു.എ.ഇ നിരയില്‍ തിളങ്ങിയത്. മറുപടി ബാറ്റിംഗിനിറങ്ങിയ ഇന്ത്യ 10.1 ഓവറില്‍ 9 വിക്കറ്റ് ശേഷിക്കെ വിജയലക്ഷ്യ മറികടക്കുകയായിരുന്നു. ഇന്ത്യക്ക് വേണ്ടി രോഹിത് ശര്‍മ 39 റണ്‍സ് എടുത്ത് പുറത്തായി. ധവാന്‍ പുറത്താകാതെ 16 ഉം, യുവരാജ് സിംഗ് പുറത്താകാതെ 25 ഉം റണ്‍സ് എടുത്തു.