‘ലോകം മുഴുവൻ നിശ്ശബ്ദമായിരിക്കുമ്പോൾ, വേറിട്ട ഒരു ശബ്ദം മതി ശക്തമാകാൻ’: പ്രശസ്തരുടെ ഉദ്ധരണികൾ

അമേരിക്കയിൽ സ്ത്രീകൾക്ക് വോട്ടവകാശത്തിനായി നടത്തിയ കഠിന പോരാട്ടത്തിന്റെ ഓർമയ്ക്കായാണ് ഓഗസ്റ്റ് 26 സ്ത്രീ സമത്വദിനമായി ആചരിച്ച് പോരുന്നത്. ഇന്ന്, ലോകത്തിന്റെ പല ഭാഗങ്ങളിലും സ്ത്രീകൾ ഇപ്പോഴും പുരുഷന്മാർക്ക് ലഭിക്കുന്ന അതേ അവകാശങ്ങൾക്കായി പോരാടുകയാണ്. മനുഷ്യരാശിയുടെ പരിണാമത്തിനും ആധുനിക ലോകത്തിന്റെ വികാസത്തിനും സ്ത്രീകൾ തുല്യ സംഭാവന നൽകിയിട്ടുണ്ട്. എന്നിട്ടും പുരുഷന് തുല്യമായ പദവി ലഭിക്കാൻ സ്ത്രീകൾക്ക് നൂറ്റാണ്ടുകളോളം പോരാടേണ്ടി വന്നു. സമത്വത്തിനായുളള പോരാട്ടത്തിൽ സ്ത്രീകൾക്ക് ശക്തി പകരുന്ന അനേകം ലക്ഷം പേർ ഇന്നീ ലോകത്തുണ്ട്. ഈ അവസരത്തിൽ വനിതാ തുല്യതാ ദിനത്തിൽ പ്രശസ്തരായ ചിലരുടെ ഉദ്ധരണികൾ പരിശോധിക്കാം.

‘പെൺകുട്ടികൾക്ക് വിദ്യാഭ്യാസം ലഭിക്കുമ്പോൾ, അവരുടെ രാജ്യങ്ങൾ കൂടുതൽ ശക്തവും കൂടുതൽ സമ്പന്നവുമാകും’ – മിഷേൽ ഒബാമ

‘നമ്മിൽ പകുതി പേരും പിറകോട്ട് സഞ്ചരിക്കുമ്പോൾ നമുക്കെല്ലാവർക്കും വിജയിക്കാനാവില്ല’ – മലാല യൂസഫ്‌സായി

‘ലോകം മുഴുവൻ നിശ്ശബ്ദമായിരിക്കുമ്പോൾ, വേറിട്ട ഒരു ശബ്ദം മതി ശക്തമാകാൻ’ – മലാല യൂസഫ്‌സായി

‘നിങ്ങൾക്ക് ചെയ്യാൻ കഴിയുന്നതും ചെയ്യാൻ കഴിയാത്തതും എന്താണെന്ന് പറയാൻ ആരെയും അനുവദിക്കരുത്. നിങ്ങൾ ചെയ്യാൻ ആഗ്രഹിക്കുന്നത് ചെയ്യുക, നിങ്ങൾ ആരാകാൻ ആഗ്രഹിക്കുന്നുവോ അതാവുക. പരസ്പരം പ്രോത്സാഹിപ്പിക്കുകയും ചേർത്തുപിടിക്കുകയും ചെയ്യുക. ലിംഗഭേദത്തെ നിങ്ങളുടെ മുന്നിൽ നിർത്തരുത്’ – എമ്മ വാട്സൺ

‘ഇത് കാണുന്ന എല്ലാ കൊച്ചു പെൺകുട്ടികളോടും, നിങ്ങൾ വിലപ്പെട്ടവരും ശക്തരുമാണെന്നും നിങ്ങൾ തിരിച്ചറിയുക. നിങ്ങളുടെ സ്വപ്നങ്ങൾ പിന്തുടരാനും സാക്ഷാത്കരിക്കാനും ലോകത്തിലെ എല്ലാ അവസരങ്ങൾക്കും നിങ്ങൾ അർഹരാണ്. അക്കാര്യത്തിൽ ഒരിക്കലും സംശയിക്കരുത്’ – ഹിലരി ക്ലിന്റൺ

‘പുരുഷന്റെ ലോകത്ത് ആധിപത്യം പുലർത്തുന്ന സ്ത്രീക്ക് വളരെ പ്രത്യേകതയുണ്ട്. അതിന് പ്രത്യേക കൃപയും, ശക്തിയും, ബുദ്ധിയും, ഭയമില്ലായ്മയും ആവശ്യമാണ്’ – റിഹാന

‘ഫോർച്യൂൺ 500 കമ്പനി നടത്തുന്ന സിഇഒ മുതൽ മക്കളെ വളർത്തി കുടുംബത്തെ നയിക്കുന്ന വീട്ടമ്മ വരെ, എവിടെ നോക്കിയാലും സ്ത്രീകൾ നേതാക്കളാണ്. ശക്തരായ സ്ത്രീകളാണ് നമ്മുടെ രാജ്യം കെട്ടിപ്പടുത്തിയത്, ഞങ്ങൾ മതിലുകൾ തകർത്ത് സ്റ്റീരിയോടൈപ്പുകളെ ധിക്കരിക്കുന്നത് തുടരും’ – നാൻസി പെലോസി

‘ഒരു സ്ത്രീക്കും സ്വന്തം ശരീരത്തെക്കുറിച്ച് തീരുമാനമെടുക്കാൻ കഴിയില്ലെന്ന് പറയരുത്. സ്ത്രീകളുടെ അവകാശങ്ങൾ ആക്രമിക്കപ്പെടുമ്പോൾ, ഞങ്ങൾ തിരിച്ചടിക്കും’ -കമല ഹാരിസ്

‘മറ്റൊരു ലോകം സാധ്യമല്ല, അവൾ അവളുടെ വഴിയിലാണ്. ശാന്തമായ ഒരു ദിവസം, അവളുടെ ശ്വാസം എനിക്ക് കേൾക്കാം’ – അരുന്ധതി റോയ്

‘സ്ത്രീകൾ വിജയിക്കുമ്പോൾ, രാഷ്ട്രങ്ങൾ കൂടുതൽ സുരക്ഷിതവും കൂടുതൽ സമ്പന്നവും സമൃദ്ധവുമാകും’ – ബരാക്ക് ഒബാമ