തിരുവനന്തപുരം: തിരുവനന്തപുരത്ത് കാട്ടുതീ വ്യാപിക്കുന്നു. പാലോട് പെരിങ്ങമല ഫോറസ്റ്റ് സെക്ഷനിലാണ് കാട്ടുതീ പടരുന്നത്. മങ്കയം വെങ്കിട്ടമൂട് ഭാഗത്ത് അഞ്ച് ഏക്കറോളം വനഭൂമി കാട്ടുതീയില്‍ കത്തിനശിച്ചിട്ടുണ്ട്. ചൊവ്വാഴ്ച ഉച്ചയോടെയാണ് തീപിടിത്തം ശ്രദ്ധയില്‍പ്പെട്ടത്. വനംവകുപ്പ് അധികൃതര്‍ സ്ഥലത്തെത്തി തീ അണച്ചെങ്കിലും, പിന്നീട് രാത്രിയില്‍ ഇതേപ്രദേശത്ത് വീണ്ടും തീപടരുകയായിരുന്നു.
പ്രദേശത്ത് കനത്ത് കാറ്റ് വീശിയത് തീ വേഗത്തില്‍ പടരാന്‍ കാരണമായിട്ടുണ്ട്. പാലോട് റേഞ്ചിലെ വനംവകുപ്പ് ഉദ്യോഗസ്ഥര്‍ തീയണയ്ക്കാന്‍ ശ്രമം തുടരുകയാണ്. അതേസമയം, വലിയ മരങ്ങള്‍ കത്തുന്ന രീതിയിലേക്ക് തീ പടര്‍ന്നിട്ടില്ല.ഫയര്‍ഫോഴ്‌സ് സംഘവും തീയണയ്ക്കാന്‍ വനംവകുപ്പ് ഉദ്യോഗസ്ഥര്‍ക്കൊപ്പം പ്രവര്‍ത്തിക്കുന്നുണ്ട്. തിരുവനന്തപുരം ഡിഎഫ്ഒ സ്ഥലത്തെത്തി.
Post Your Comments