വിജയ് സേതുപതിയുടെ പുതിയ പ്രോജക്ടിൻ്റെ ചിത്രീകരണം പൂർത്തിയായി : ചെമ്പൻ വിനോദും പ്രധാന വേഷത്തിലെത്തും

ചെന്നൈ : പാണ്ഡിരാജ് സംവിധാനം ചെയ്ത് വിജയ് സേതുപതി നായകനാകുന്ന ചിത്രത്തിന്റെ ഷൂട്ടിംഗ് ഔദ്യോഗികമായി പൂർത്തിയായി. ട്രിച്ചിയിലും പരിസര പ്രദേശങ്ങളിലുമായി ചിത്രീകരണം നടന്നു. കഴിഞ്ഞ വർഷമാണ് ചിത്രത്തിൻ്റെ നിർമ്മാണം ആരംഭിച്ചത്.

ചിത്രത്തിന് ഇതുവരെ പേരിട്ടിട്ടില്ല. സത്യ ജ്യോതി ഫിലിംസ് ഒരു വലിയ ബജറ്റിൽ നിർമ്മിച്ച ഈ ചിത്രത്തിൽ വിജയ് സേതുപതി, നിത്യ മേനോൻ, ചെമ്പൻ വിനോദ്, ആർ. കെ. സുരേഷ്, യോഗി ബാബു എന്നിവർ പ്രധാന വേഷങ്ങളിൽ അഭിനയിക്കുന്നു.

സുകുമാർ ആണ് ഛായാഗ്രഹണം നിർവഹിച്ചിരിക്കുന്നത്. പോസ്റ്റ്-പ്രൊഡക്ഷൻ ജോലികൾ വേഗത്തിൽ ആരംഭിക്കാൻ പോകുന്നുവെന്നാണ് റിപ്പോർട്ട്. ടൈറ്റിലിനൊപ്പം ഫസ്റ്റ് ലുക്ക് പോസ്റ്ററും ഉടൻ പുറത്തിറങ്ങും.

പാണ്ഡിരാജ് ഈ പ്രോജക്റ്റ് പൂർത്തിയാക്കിയതോടെ വിജയ് സേതുപതി അടുത്തതായി ഏത് ചിത്രത്തിലേക്ക് കമ്മിറ്റ് ചെയ്യുമെന്ന് അറിയാൻ ആരാധകർ ആകാംക്ഷയിലാണ്.