ദുബായിയിൽ പൊതുഗതാഗത സംവിധാനങ്ങൾ ഉപയോഗപ്പെടുത്തിയവരുടെ എണ്ണത്തിൽ വൻ വർധന

ദുബായ് : കഴിഞ്ഞ വർഷം എമിറേറ്റിലെ ടാക്സി ഉൾപ്പടെയുള്ള പൊതുഗതാഗത സംവിധാനങ്ങൾ ഉപയോഗപ്പെടുത്തിയവരുടെ എണ്ണം 747.1 ദശലക്ഷത്തിലെത്തിയതായി ദുബായ് റോഡ്സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ) അറിയിച്ചു. 2025 ഫെബ്രുവരി 2-നാണ് ആർടിഎ ഇക്കാര്യം അറിയിച്ചത്.

ദുബായ് മെട്രോ, ദുബായ് ട്രാം, ബസ്, അബ്ര, ഫെറി, വാട്ടർ ടാക്സി, വാട്ടർ ബസ്, ദുബായ് ടാക്സി, മറ്റു ഫ്രാൻഞ്ചൈസി ടാക്സി സംവിധാനങ്ങൾ, ഇ-ഹൈൽ, സ്മാർട്ട് കാർ റെന്റൽ, ബസ്-ഓൺ-ഡിമാൻഡ് തുടങ്ങിയ എല്ലാ പൊതുഗതാഗത സംവിധാനങ്ങളുടെയും ആകെയുള്ള കണക്കുകൾ പ്രകാരമാണിത്. 2023-നെ അപേക്ഷിച്ച് 2024-ൽ യാത്രികരുടെ എണ്ണത്തിൽ 6% വളർച്ച രേഖപ്പെടുത്തിയിട്ടുണ്ടെന്നും ആർടിഎ കൂട്ടിച്ചേർത്തു.

2023-ൽ ഏതാണ്ട് 702 ദശലക്ഷം യാത്രികരാണ് ദുബായിലെ പൊതുഗതാഗത സംവിധാനങ്ങൾ ഉപയോഗിച്ചത്. പ്രതിദിന യാത്രികരുടെ എണ്ണം കഴിഞ്ഞ വർഷം രണ്ട് ദശലക്ഷമായിരുന്നു.