കൊച്ചി മെട്രോ നെടുമ്പാശേരിയിലേക്ക് 18 കിമീ ദൂരം ഭൂഗര്‍ഭപാതയില്‍ നിര്‍മിക്കാന്‍ പദ്ധതി

കൊച്ചി: കൊച്ചി മെട്രോ സര്‍വീസ് ആലുവയില്‍ നിന്നും നെടുമ്പാശേരിയിലേക്ക് നീട്ടാന്‍ വന്‍ പദ്ധതികള്‍ തയാറാകുന്നു.ഡല്‍ഹി, ചെന്നൈ, ബാംഗ്ലൂര്‍ പോലുള്ള വന്‍ നഗരങ്ങളിലെ പോലെ ഭൂഗര്‍ഭപാതയില്‍ മെട്രോ നിര്‍മാക്കാനാണ് പദ്ധതിയിടുന്നത്. 18 കിമീ ദൂരം ആയിരിക്കും ഇങ്ങനെ തയാറാക്കുക. ഇതിനായുള്ള പദ്ധതി രേഖ തയ്യാറാക്കാന്‍ തുടക്കമിട്ട് കെഎംആര്‍എല്‍ കണ്‍സള്‍ട്ടന്‍സികളെ ക്ഷണിച്ചുകൊണ്ട് ടെന്‍ഡര്‍ വിളിച്ചു.

Read Also: സിപിഎമ്മിലേക്ക് ഇനി ഇല്ല : നിലപാടില്‍ ഉറച്ചുനില്‍ക്കുന്നുവെന്ന് കലാ രാജു

നെടുമ്പാശേരി  വിമാനത്താവളത്തിലേക്കുളള മെട്രോ ഭൂഗര്‍ഭ പാത എന്ന നിലയില്‍ വിഭാവനം ചെയ്യാനാണ് ലക്ഷ്യമിടുന്നത്. നെടുമ്പാശ്ശേരി വിമാനത്താവളത്തിലെ യാത്രക്കാര്‍ക്ക് വളരെയധികം പ്രയോജനം ലഭിക്കുന്നതാണ് കൊച്ചി മെട്രോയുടെ മൂന്നാംഘട്ടം.

നിലവില്‍ കാക്കനാട് ഇന്‍ഫോ പാര്‍ക്കിലേക്കുള്ള കൊച്ചി മെട്രോയുടെ രണ്ടാം ഘട്ടത്തിന്റെ നിര്‍മാണം പുരോഗമിക്കുകയാണ്. ഫെബ്രുവരി 10 മുതല്‍ 17 വരെയാണ് ഡിപിആര്‍ ടെന്‍ഡര്‍ സമര്‍പ്പിക്കാനുളള സമയപരിധി. പത്തൊമ്പാം തീയ്യതി ടെന്‍ഡര്‍ തുറക്കും. ആറു മാസത്തിനുള്ളില്‍ ഡിപിആര്‍ സമര്‍പ്പിക്കണം.

Share
Leave a Comment