ബോളിവുഡ് സെൻസേഷൻ , യുവാക്കളുടെ ഹരം ; ബോളിവുഡ് താര റാണി രാഖി സാവന്ത് മൂന്നാമത് വിവാഹിതയാകുന്നു : വരൻ പാകിസ്ഥാനി

ന്യൂഡൽഹി: പാകിസ്ഥാൻ നടനും പോലീസ് ഉദ്യോഗസ്ഥനുമായ ദോഡി ഖാനുമായി താൻ പ്രണയത്തിലാണെന്ന് ബോളിവുഡ് നടിയും സോഷ്യൽ മീഡിയ സെൻസേഷനുമായ രാഖി സാവന്ത്. ന്യൂസ് 18 റിപ്പോർട്ട് പ്രകാരം താൻ ഉടൻ തന്നെ അദ്ദേഹത്തെ വിവാഹം കഴിക്കാൻ പദ്ധതിയിടുന്നുണ്ടെന്നും നടി സ്ഥിരീകരിച്ചു.

“അവൻ എന്റെ കാമുകനാണ്. ഞങ്ങൾ പരസ്പരം സ്നേഹിക്കുന്നു. അവൻ പാകിസ്ഥാനിൽ നിന്നാണ്. ഞാൻ ഇന്ത്യയിൽ നിന്നാണ്, അതിനാൽ ഞങ്ങളുടെ ഒരു പ്രണയ വിവാഹമായിരിക്കും,” – രാഖി സാവന്ത് ന്യൂസ് 18 നോട് പറഞ്ഞു.

രാഖി സാവന്തിന്റെ പ്രണയ ജീവിതവും വിവാഹങ്ങളും എപ്പോഴും വാർത്തകളിൽ ഇടം നേടിയിട്ടുണ്ട്. ചാനലുമായിട്ടുള്ള സംഭാഷണത്തിനിടയിൽ തന്റെ മുൻ ഭർത്താവ് ആദിൽ ഖാൻ ദുറാനിയെ രാഖി സാവന്ത് വിമർശിക്കുകയും തന്നെക്കുറിച്ച് തെറ്റായ വിവരങ്ങൾ പ്രചരിപ്പിച്ചുവെന്ന് ആരോപിക്കുകയും ചെയ്തു.

രാഖി സാവന്ത് മുമ്പ് ആദിൽ ഖാൻ ദുറാനിയെ വിവാഹം കഴിച്ചിരുന്നു. 2023-ൽ ആദിലിനെതിരെ നിരവധി ആരോപണങ്ങൾ ഉന്നയിക്കുകയും വിവാഹേതര ബന്ധങ്ങളിൽ ഏർപ്പെട്ടിട്ടുണ്ടെന്ന് ആരോപിക്കുകയും ചെയ്തതിനെത്തുടർന്ന് ഇരുവരും വേർപിരിഞ്ഞു. തുടർന്ന് പരാതിയിൽ 2023 ഫെബ്രുവരി 7-ന് ആദിലിനെ അറസ്റ്റ് ചെയ്തു. അഞ്ച് മാസം ജയിൽവാസം അനുഭവിച്ചതിന് ശേഷം ആദിൽ മോചിതനായി.

ആദിലിന് മുമ്പ് രാഖി, റിതേഷ് രാജ് സിങ്ങിനെയും വിവാഹം കഴിച്ചിരുന്നു. ബിഗ് ബോസ് 15-ൽ അവർ പങ്കെടുത്ത സമയത്തായിരുന്നു വിവാഹം. തുടർന്ന് 2022 ഫെബ്രുവരിയിൽ ഷോ അവസാനിച്ച ഉടൻ തന്നെ വേർപിരിഞ്ഞു.

മുംബൈ എക്സ്പ്രസ്, ദിൽ ബോലെ ഹഡിപ്പ, മേരെ ബ്രദർ കി ദുൽഹാൻ, ബുദ്ധ മാർ ഗയ തുടങ്ങിയ ചിത്രങ്ങളിൽ രാഖി സാവന്ത് അഭിനയിച്ചിട്ടുണ്ട്. കിസ്മത് സേ ചൽതി ഹേ, ദേഖ്താ ഹേ തു ക്യാ, ജവാനി കി ബാങ്ക് ലൂട്ട് ലെ, ലട്ടോ ഘുമ രേ ചോര തുടങ്ങിയ നൃത്ത നമ്പറുകളിലൂടെയാണ് രാഖി സാവന്ത് അറിയപ്പെടുന്നത്.

നാച്ച് ബാലിയേ 3, രാഖി കാ സ്വയംവർ, പതി, പട്നി ഔർ വോ, മാ എക്സ്ചേഞ്ച്, കോമഡി സർക്കസ് കെ മഹാബലി തുടങ്ങിയ ടെലിവിഷൻ ഷോകളിലും രാഖി സാവന്ത് പ്രത്യക്ഷപ്പെട്ടു.