കോഴിക്കോട്: കൃത്യമായ ചികിത്സ കിട്ടാതെ യുവതി മരിച്ച സംഭവത്തില്‍ മെഡിക്കല്‍ കോളേജ് ആശുപത്രിയില്‍ മൃതദേഹവുമായി പ്രതിഷേധിച്ച്‌ ബന്ധുക്കള്‍. പേരാമ്പ്ര കൂത്താളി സ്വദേശി രജനി ചൊവ്വാഴ്ച പുലർച്ചെയാണ് 2.30-ന് മരിച്ചത്.
മൃതദേഹം പോസ്റ്റുമോർട്ടത്തിനു ശേഷം ചൊവ്വാഴ്ച ഉച്ചയ്ക്കു ശേഷം ബന്ധുക്കള്‍ക്ക് വിട്ടുനല്‍കി. ഈ മൃതദേഹവുമായി മെഡിക്കല്‍ കോളേജ് പ്രിൻസിപ്പാളുടെ ഓഫീസിനു മുന്നിൽ പ്രതിഷേധിക്കാനുള്ള തീരുമാനത്തിലായിരുന്നു ബന്ധുക്കള്‍. പിന്തുണയുമായി ബിജെപി കോഴിക്കോട് ജില്ലാ പ്രസിഡന്റ് വി.കെ സജീവൻ ഉള്‍പ്പെടെയുള്ള നേതാക്കളും എത്തിയിരുന്നു. എന്നാല്‍ പോലീസ് ഇടപെട്ട് ബന്ധുക്കളെ അനുനയിപ്പിക്കുകയായിരുന്നു.
read also: സംവിധായകന് നേരെ വെടിയുതിര്‍ത്ത് നടൻ: അറസ്റ്റ്
കൃത്യമായ ചികിത്സ കിട്ടാത്തതാണ് രജനിയുടെ മരണത്തിന് കാരണമെന്നാണ് ബന്ധുക്കളുടെ ആരോപണം. ആരോഗ്യവകുപ്പിനും ആശുപത്രി സൂപ്രണ്ടിനും പേരാമ്പ്ര പോലീസിലും ബന്ധുക്കള്‍ പരാതി നല്‍കിയിട്ടുണ്ട്. ന്യൂറോ വിഭാഗത്തിലെ ചികിത്സ ലഭിക്കാൻ വൈകിയെന്നാണ് ബന്ധുക്കളുടെ ആരോപണം.
Leave a Comment