പ്രമുഖ സിനിമ-സിരിയല്‍ നടൻ വധശ്രമക്കേസില്‍ അറസ്റ്റില്‍. സിനിമ സംവിധായകൻ ഭരത് നവുന്ദയെ കൊലപ്പെടുത്താൻ ശ്രമിച്ച സംഭവത്തിൽ കന്നഡ താരം താണ്ഡവ് റാമിനെ ചന്ദ്ര ലേഔട്ട് പൊലീസ് അറസ്റ്റ് ചെയ്തു.
read also:ഭാര്യയെ കുത്തിക്കൊലപ്പെടുത്താൻ ശ്രമം : ഭർത്താവ് അറസ്റ്റിൽ
നിർമാതാവ് കുമാരസ്വാമിയുടെ സുബ്ബണ്ണ ഗാർഡന് സമീപമുള്ള വസതിയിലാണ് സംഭവം. ഭാരത് സംവിധാനം ചെയ്ത ദേവനാംപ്രിയ എന്ന ചിത്രവുമായി ബന്ധപ്പെട്ട് ഇരുവരും തമ്മില്‍ തർക്കം നിലനിന്നിരുന്നു. സിനിമയുടെ നി‍ർമാണത്തില്‍ പങ്കാളിയായിരുന്നു താണ്ഡവ് റാം. 7 ലക്ഷം രൂപ ഭരതിന് നല്‍കിയിരുന്നു. ഇതിനെക്കുറിച്ചുള്ള വാക്കുതർക്കത്തിനിടെ താണ്ഡവ് കയ്യില്‍ കരുതിയ തോക്ക് ഉപയോഗിച്ച്‌ ഭരതിന് നേരെ വെടിവെക്കുകയായിരുന്നു. ലക്ഷ്യം തെറ്റിയ വെടിയുണ്ട ചുമരില്‍ തറച്ചുകയറി. സാമ്പത്തിക തർക്കമാണ് കൊലപാതക ശ്രമത്തില്‍ കലാശിച്ചതെന്ന് പൊലീസ് പറഞ്ഞു.
Post Your Comments