ആലുവ: ഓടിക്കൊണ്ടിരുന്ന കെഎസ്ആര്ടിസി ബസിനു തീപിടിച്ചു. അങ്കമാലിയില്‍ നിന്നും തിരുവനന്തപുരത്തേക്ക് പോവുകയായിരുന്ന കെഎസ്ആര്ടിസി സ്വിഫ്റ്റ് ബസിനാണ് തീപിടിച്ചത്.
ബസില്‍ 38 യാത്രക്കാരുണ്ടായിരുന്നു. ഇവരെല്ലാം സുരക്ഷിതരാണ്. ബോണറ്റില്‍ ആദ്യം പുകയുയര്‍ന്നപ്പോള്‍ തന്നെ ഡ്രൈവര്‍ ബസ് റോഡരികിലേക്ക് മാറ്റിനിര്‍ത്തി യാത്രക്കാരെ പുറത്തിറക്കി. അപ്പോഴേക്കും തീ പടര്‍ന്നിരുന്നു. പിന്നീട് ഫയര്‍ ഫോഴ്സ് സ്ഥലത്തെത്തി തീയണച്ചു. ബസ് ഡ്രൈവര്‍ കൃത്യസമയത്തുള്ള ഇടപെടലാണ് വന്‍ ദുരന്തം ഒഴിവാക്കിയത്.
Post Your Comments