കനത്ത മഴ: വീടുകള്‍ തകര്‍ന്നു വീണു, അഞ്ച് വയസുകാരി രക്ഷപ്പെട്ടത് തലനാരിഴയ്‌ക്ക്

കണ്ണൂർ: കനത്തെ മഴയിൽ കണ്ണൂരില്‍ വീടുകള്‍ തകർന്ന് വൻ നാശനഷ്ടം. കണ്ണൂരിലെ മുഴപ്പിലങ്ങാടും പയ്യന്നൂരും രണ്ട് വീടുകള്‍ തകർന്ന് വീണു. തകർന്ന 5 വയസുകാരി മുറിക്കുള്ളില്‍ കിടന്നുറങ്ങുകയായിരുന്നുവെന്നും കുട്ടി രക്ഷപ്പെട്ടത് തലനാരിഴ്‌ക്കാണെന്നും ബന്ധുക്കളും പ്രദേശവാസികളും പറഞ്ഞു.

മുഴപ്പിലങ്ങാട് ബീച്ച്‌ റോഡിൽ ഖാദറിന്റെ വീടും പയ്യന്നൂർ കോളോത്ത് സ്വദേശിയായ ഉണ്ണിയുടെ വീടുമാണ് തകർന്ന് വീണത്. മേല്‍ക്കൂര തകർന്ന് വീണ് ഉണ്ണിയുടെ സഹോദരിയുടെ ഭർത്താവിന്റെ കയ്യിന് പരിക്കേറ്റിട്ടുണ്ട്.

വീട്ടുകാർ പുറത്തെ വരാന്തയിലിരുന്ന് ഭക്ഷണം കഴിക്കുന്ന സമയത്തായിരുന്നു അപകടം നടന്നത്.