ഇന്ധന ഉപഭോഗം വർദ്ധിച്ചതോടെ പുതിയ ഉയരങ്ങൾ തൊട്ട് ക്രൂഡോയിൽ ഇറക്കുമതി. ഏറ്റവും പുതിയ റിപ്പോർട്ട് പ്രകാരം, ജനുവരിയിൽ ഇന്ത്യയുടെ ക്രൂഡോയിൽ ഇറക്കുമതി 21 മാസത്തെ ഏറ്റവും ഉയർന്ന നിലയിലാണ് എത്തിയിരിക്കുന്നത്. ജനുവരിയിലെ ക്രൂഡോയിൽ ഇറക്കുമതി 9.5 ശതമാനം ഉയർന്ന് 21.39 ദശലക്ഷം മെട്രിക് ടണ്ണിലെത്തി. മുൻ വർഷവുമായി താരതമ്യം ചെയ്യുമ്പോൾ വലിയ മാറ്റമാണ് ഉണ്ടായിട്ടുള്ളത്. ഇന്ത്യയുടെ ഇന്ധന ഉപഭോഗം 2023 ഡിസംബറിനെ അപേക്ഷിച്ച് ജനുവരിയിൽ 8.2 ശതമാനം വർദ്ധിച്ചിട്ടുണ്ട്.
ശക്തമായ സാമ്പത്തിക വളർച്ചയോടെ പിന്തുണയോടെ രാജ്യത്തിന്റെ എണ്ണ ഡിമാൻഡ് വളർച്ചയും, ഇറക്കുമതിയും വരും വർഷങ്ങളിൽ കൂടുതൽ വർദ്ധിക്കാൻ സാധ്യതയുണ്ടെന്നാണ് വിദഗ്ധരുടെ വിലയിരുത്തൽ. അതേസമയം, അസംസ്കൃത എണ്ണ ഉൽപ്പന്നങ്ങളുടെ ഇറക്കുമതി ജനുവരിയിൽ 5 ശതമാനം ഉയർന്ന് 3.97 ടണ്ണായി. ഉൽപ്പന്ന കയറ്റുമതി 7.5 ശതമാനം ഉയർന്ന് 4.84 ദശലക്ഷം ടണ്ണായിട്ടുണ്ട്. 2023-നും 2030-നും ഇടയിൽ ആഗോള എണ്ണ ഡിമാൻഡ് വളർച്ചയുടെ കാര്യത്തിൽ ഇന്ത്യ വളരെ വലിയ പങ്കുവഹിക്കുമെന്നാണ് വിലയിരുത്തൽ.
Also Read: തലശ്ശേരി – മാഹി ബൈപ്പാസിലൂടെയുളള യാത്രയ്ക്ക് ടോള്‍ നിരക്കുകള്‍ നിശ്ചയിച്ചു
Post Your Comments