ശ്രീരാമക്ഷേത്രത്തില്‍ പോകും, ആര്‍ക്കാണ് പ്രശ്നം : ജമിയത്ത് നേതാവ് ഖാരി അബ്രാര്‍ ജമാല്‍

 അയോദ്ധ്യ:  ശ്രീരാമക്ഷേത്രത്തിലെ പ്രാണ പ്രതിഷ്ഠാ ചടങ്ങിലേയ്ക്ക് ക്ഷണം ലഭിച്ചതില്‍ സന്തോഷവാനാണെന്ന് ജമിയത്ത് ദേശീയ പ്രസിഡന്റ് ഹിമായത്തുല്‍ ഇസ്ലാം ഖാരി അബ്രാർ ജമാല്‍ .

താൻ ക്ഷണം സ്വീകരിച്ചുവെന്നും തീർച്ചയായും അയോദ്ധ്യയിലേക്ക് പോകുമെന്നും ഖാരി അബ്രാർ പറഞ്ഞു. അയോദ്ധ്യയില്‍ പോകുന്നതിനെ എതിർക്കുന്നവർ, അസദുദ്ദീൻ ഒവൈസിയും ജംഇയ്യത്തുല്‍ ഉലമ-ഇ-ഹിന്ദും മുസ്ലീങ്ങള്‍ക്കിടയില്‍ ഭയം വളർത്തുകയാണെന്നും അഭിപ്രായപ്പെട്ടു.

read also: രണ്ട് മാസം വാലിഡിറ്റി, അതും പോക്കറ്റിൽ ഒതുങ്ങുന്ന നിരക്കിൽ! സ്പെഷ്യൽ ഡാറ്റാ വൗച്ചറുമായി ബിഎസ്എൻഎൽ

‘രാം മന്ദിർ ട്രസ്റ്റില്‍ നിന്ന് തനിക്ക് ഓണ്‍ലൈൻ ക്ഷണം ലഭിച്ചു. ട്രസ്റ്റില്‍ നിന്ന് ഒരു കോളും ലഭിച്ചു, സ്പീഡ് പോസ്റ്റിലൂടെയും ക്ഷണക്കത്ത് അയച്ചു. ഇതിനായി രാം മന്ദിർ ട്രസ്റ്റുമായി ബന്ധപ്പെട്ട ആളുകള്‍ക്ക് നന്ദി അറിയിക്കുന്നു. എന്തുകൊണ്ട് നമുക്ക് അയോദ്ധ്യയില്‍ പോയിക്കൂടാ? ഇതില്‍ എന്താണ് പ്രശ്നം? അയോദ്ധ്യ ഒരു മതപരമായ സ്ഥലമാണ്.സുപ്രീം കോടതി വിധി പ്രകാരമാണ് ശ്രീരാമക്ഷേത്രം പണിയുന്നത്. എല്ലാ മുസ്ലീങ്ങള്‍ക്കും കോടതി വിധിയില്‍ വിശ്വാസമുണ്ടെന്ന് പറയുന്നു . പിന്നെ ആർക്ക് എന്താ പ്രശ്നം? എതിർപ്പിനെ സംബന്ധിച്ചിടത്തോളം, ഒവൈസി മുസ്ലീം ആധിപത്യമുള്ള പ്രദേശത്ത് നിന്നാണ് വരുന്നത്, ജമിയത്ത് ഉലമ-ഇ-ഹിന്ദും മുസ്ലീങ്ങള്‍ക്ക് വേണ്ടി രാഷ്‌ട്രീയം ചെയ്യുന്നു. ഈ ആളുകള്‍ കുഴപ്പത്തിലാകും. ഇന്ന് ഈ സർക്കാരില്‍ മുസ്ലീങ്ങള്‍ സുരക്ഷിതരാണെന്ന് ഇക്കൂട്ടർ പറഞ്ഞാല്‍ പിന്നെ ആര് ആ കുടക്കീഴില്‍ കൂടും?’- ഖാരി ചോദിച്ചു.

‘2014, 2019, 2017, 2022 വർഷങ്ങളില്‍ പലരും മോദി പ്രധാനമന്ത്രിയാകരുതെന്നും യോഗിയുടെ സർക്കാർ വരരുതെന്നും പ്രാർത്ഥിച്ചു. രാജ്യത്തെ എല്ലാ മുസ്ലീങ്ങളും സുരക്ഷിതരാണ്. ഞങ്ങള്‍ ഇപ്പോഴും വസ്ത്രം ധരിച്ച്‌ പുറത്തിറങ്ങുന്നു . എല്ലാവരും ജനങ്ങള്‍ക്കിടയിലാണ് ജീവിക്കുന്നത്, ഒരിടത്തും ഒരു അപകടവും ഞങ്ങള്‍ കാണുന്നില്ല. പിന്നെ ഇസ്ലാമിന്റെ പേരില്‍ രൂപം കൊണ്ട പാകിസ്താനിലെ അവസ്ഥ നോക്കൂ. പാകിസ്താനിലെ പള്ളിയില്‍ ഏത് സമയത്താണ് സ്‌ഫോടനം നടക്കുകയെന്ന് പറയാനാകില്ല. – ഖാരി അബ്രാർ പറഞ്ഞു.