ദുബായ് ഷോപ്പിംഗ് ഫെസ്റ്റിവൽ നേരിട്ട് കാണാം, അതും കുറഞ്ഞ ചെലവിൽ! ടിക്കറ്റുകൾക്ക് ഗംഭീര കിഴിവുകൾ പ്രഖ്യാപിച്ച് ഈ കമ്പനി

ആഡംബരത്തിന്റെയും വിനോദത്തിന്റെയും സാംസ്കാരിക സമൃദ്ധിയുടെയും ഘടകങ്ങൾ ഒത്തുചേരുന്ന ദുബായ് ഷോപ്പിംഗ് ഫെസ്റ്റിവൽ കുറഞ്ഞ ചെലവിൽ കാണാൻ അവസരം. ദുബായ് ഷോപ്പിംഗ് ഫെസ്റ്റിവലിനോടനുബന്ധിച്ച് കുറഞ്ഞ നിരക്കിൽ യാത്ര ചെയ്യാനുള്ള അവസരമാണ് വൺ 97 കമ്മ്യൂണിക്കേഷൻസ് ലിമിറ്റഡ് ഒരുക്കുന്നത്. ഇതോടെ, ഫ്ലൈറ്റ് ടിക്കറ്റിന് ആകർഷകമായ കിഴിവ് ലഭിക്കുന്നതാണ്. ജനുവരി 14 വരെയാണ് കുറഞ്ഞ നിരക്കിൽ ടിക്കറ്റ് സ്വന്തമാക്കാൻ സാധിക്കുക. പേടിഎം ആപ്പിൽ നിന്ന് ടിക്കറ്റുകൾ ബുക്ക് ചെയ്യുന്ന യാത്രക്കാർക്കാണ് കിഴിവ് നൽകുന്നത്.

പേടിഎം ആപ്പ് വഴി ബുക്ക് ചെയ്യുകയാണെങ്കിൽ ടിക്കറ്റുകൾക്ക് 8 ശതമാനം വരെ കിഴിവ് ലഭിക്കും. ക്യാൻസലേഷൻ നിരക്കുകളെ കുറിച്ച് ആകുലപ്പെടാതെ യാത്രക്കാർക്ക് എപ്പോൾ വേണമെങ്കിലും യാത്രാ പ്ലാനുകൾ മാറ്റാനുള്ള സൗകര്യം നൽകുന്ന സൗജന്യ റദ്ദാക്കൾ ഫീച്ചറും കമ്പനി വാഗ്ദാനം ചെയ്യുന്നുണ്ട്. വൺ വേ ടിക്കറ്റ്, റൗണ്ട് ട്രിപ്പ് എന്നിവയ്ക്കാണ് കിഴിവ് ലഭിക്കുന്നത്.

Also Read: അങ്കമാലിയിലെ തീപിടുത്തം: കെട്ടിടത്തിൽ കുടുങ്ങിയയാൾ മരിച്ച നിലയിൽ

ഏകദേശം ഒരു മാസത്തോളമാണ് ദുബായ് ഷോപ്പിംഗ് ഫെസ്റ്റിവൽ നടക്കുന്നത്. ഫെസ്റ്റിവല്‍ കാലയളവില്‍ ദുബായിലുടനീളമുള്ള 3500-ലധികം ഔട്ട്‍ലെറ്റുകളിലൂടെ എണ്ണൂറിലധികം ബ്രാന്‍ഡുകള്‍ 75 ശതമാനം വരെ ഡിസ്‍കൗണ്ട് നല്‍കും. ക്രെഡിറ്റ്, ഡെബിറ്റ് കാര്‍ഡുകളിന്മേല്‍ ലഭ്യമാവുന്ന മറ്റ് ഓഫറുകളും റിവാര്‍ഡ് പോയിന്റുകളുമുണ്ട്. നിശ്ചിത തുകകള്‍ക്ക് മുകളില്‍ പര്‍ച്ചേസ് ചെയ്യുന്നവർക്ക് ആകർഷകമായ സമ്മാനങ്ങളും ലഭിക്കുന്നതാണ്.