വീട്ടുകാര്‍ തന്നെ ക്രൂരമായി മര്‍ദ്ദിക്കുന്നുവെന്ന പരാതിയുമായി നടി വൈഷ്ണവി ധന്‍രാജ്. കഴിഞ്ഞ ദിവസമാണ് നടി തന്റെ വീട്ടുകാർക്കെതിരെ ആരോപണം ഉന്നയിച്ചിരിക്കുന്നത്. തന്റെ മുഖത്തെ മുറിപ്പാടുകള്‍ അടക്കം വ്യക്തമാക്കി കൊണ്ടുള്ള വീഡിയോ ആണ് വൈഷ്ണവി തന്റെ സോഷ്യല്‍ മീഡിയ അക്കൗണ്ടിലൂടെ പുറത്തുവിട്ടത്. തന്നെ രക്ഷിക്കണം എന്നാണ് നടി ആവശ്യപ്പെടുന്നത്.
‘ഹായ്, ഇത് വൈഷ്ണവി ധനരാജ്. എനിക്ക് ഇപ്പോള്‍ ശരിക്കും സഹായം ആവശ്യമാണ്. ഞാന്‍ കാഷിമിറ പൊലീസ് സ്റ്റേഷനിലാണ്. എന്റെ വീട്ടുകാര്‍ എന്നെ അപമാനിക്കുകയും വളരെ ക്രൂരമായി മര്‍ദിക്കുകയും ചെയ്തു. മാധ്യമങ്ങളില്‍ നിന്നും വാര്‍ത്താ ചാനലുകളില്‍ നിന്നും സിനിമാ-സീരിയല്‍ മേഖലകളിലെ എല്ലാവരില്‍ നിന്നും എനിക്ക് സഹായം ആവശ്യമാണ്. ദയവായി വന്ന് എന്നെ സഹായിക്കൂ’, എന്നാണ് വൈഷ്ണവി വീഡിയോയില്‍ പറയുന്നത്.
ഇതിനൊപ്പം മുഖത്തേറ്റ മുറിവുകളുടെ അടയാളങ്ങളും അവര്‍ കാണിക്കുന്നുണ്ട്. വീട്ടുകാരുടെ മര്‍ദനത്തിന്റെ ഫലമായുണ്ടായതാണ് മുറിവുകളെന്നും അവര്‍ ആരോപിക്കുന്നുണ്ട്. 2016-ല്‍ നടന്‍ നിതിന്‍ ഷെരാവത്തിനെ വൈഷ്ണവി വിവാഹം കഴിച്ചിരുന്നു. എന്നാല്‍ ഗാര്‍ഹിക പീഡനത്തെ തുടര്‍ന്ന് നടി വിവാഹമോചനം നേടിയിരുന്നു. സി.ഐ.ഡി, തേരേ ഇഷ്ഖ് മേം ഘായല്‍ തുടങ്ങിയ പരമ്പരകളിലൂടെ ജനപ്രീതിയാര്‍ജിച്ച നടിയാണ് വൈഷ്ണവി ധന്‍രാജ്.
Post Your Comments