ഷവോമി റെഡ്മി നോട്ട് 13 പ്രോ പുറത്തിറങ്ങാൻ ഇനി വിരലിലെണ്ണാവുന്ന ദിവസങ്ങൾ, അറിയാം സവിശേഷതകൾ

മാസങ്ങൾ നീണ്ട കാത്തിരിപ്പുകൾക്കൊടുവിൽ ഷവോമി ആരാധകരുടെ മനം കീഴടക്കാൻ ഷവോമി റെഡ്മി നോട്ട് 13 പ്രോ സ്മാർട്ട്ഫോണുകൾ വിപണിയിൽ എത്തുന്നു. ഏറ്റവും പുതിയ റിപ്പോർട്ടുകൾ പ്രകാരം, നവംബർ 30-നാണ് ഈ ഹാൻഡ്സെറ്റ് കമ്പനി വിപണിയിൽ അവതരിപ്പിക്കുക. ബഡ്ജറ്റ് റേഞ്ചിൽ പുറത്തിറക്കുന്ന, 5ജി പിന്തുണയുള്ള സ്മാർട്ട്ഫോൺ കൂടിയാണ് റെഡ്മി നോട്ട് 13 പ്രോ. അതുകൊണ്ടുതന്നെ, താങ്ങാൻ കഴിയുന്ന വിലയിൽ അത്യാധുനിക ഫീച്ചറുകൾ സ്വന്തമാക്കാൻ ആഗ്രഹിക്കുന്നവർക്ക് ഷവോമി റെഡ്മി നോട്ട് 13 പ്രോ മികച്ച ഓപ്ഷനായിരിക്കും. ഈ ഹാൻഡ്സെറ്റിൽ പ്രതീക്ഷിക്കാവുന്ന പ്രധാന സവിശേഷതകളെ കുറിച്ച് അറിയാം.

6.67 ഇഞ്ച് ഒഎൽഇഡി ഡിസ്പ്ലേ ഈ സ്മാർട്ട്ഫോണുകൾക്ക് പ്രതീക്ഷിക്കാവുന്നതാണ്. 120 ഹെർട്സാണ് റിഫ്രഷ് റേറ്റ്. ക്വാൽകം സ്നാപ്ഡ്രാഗൺ 7എസ് ജെൻ 2 പ്രോസസറിന്റെ കരുത്തിലാണ് പ്രവർത്തിക്കുക. ആൻഡ്രോയ്ഡിന്റെ ഏറ്റവും പുതിയ വേർഷനായ ആൻഡ്രോയിഡ് വി13 ആണ് ഓപ്പറേറ്റിംഗ് സിസ്റ്റം. ഫോട്ടോഗ്രാഫി ഇഷ്ടപ്പെടുന്നവർക്കായി ട്രിപ്പിൾ ക്യാമറ സജ്ജീകരണമാണ് പിന്നിൽ ഒരുക്കിയിട്ടുള്ളത്. 200 മെഗാപിക്സൽ, 8 മെഗാപിക്സൽ, 2 മെഗാപിക്സൽ എന്നിങ്ങനെയാണ് പിൻഭാഗത്തെ ക്യാമറ. സെൽഫി, വീഡിയോ കോൾ എന്നിവയ്ക്കായി 16 മെഗാപിക്സലാണ് നൽകിയിരിക്കുന്നത്. 5100 എംഎഎച്ച് ആണ് ബാറ്ററി ലൈഫ്. 8 ജിബി റാം പ്ലസ് 128 ജിബി ഇന്റേണൽ സ്റ്റോറേജിൽ വാങ്ങാൻ സാധിക്കുന്ന ഷവോമി റെഡ്മി നോട്ട് 13 പ്രോ സ്മാർട്ട്ഫോണുകളുടെ വില 17,390 രൂപ മുതൽ പ്രതീക്ഷിക്കാവുന്നതാണ്.

Also Read: വീടിനുള്ളിൽ ഉപയോഗത്തിലിരുന്ന റഫ്രിജറേറ്റർ പൊട്ടിത്തെറിച്ച് സ്ഫോടനം: വീടിന്റെ മേൽക്കൂര തകർന്നു