പാലക്കാട്: സ്വകാര്യ ബസില്‍ നിന്ന് തെറിച്ചുവീണ് വിദ്യാര്‍ഥിത്ഥിനിക്ക് പരിക്കേറ്റു. തെങ്കര ഗവ. ഹയര്‍ സെക്കന്‍ഡറി സ്കൂളിലെ പ്ലസ് ടൂ വിദ്യാര്‍ത്ഥിനിയായ മര്‍ജാനയ്ക്കാണ് പരിക്കേറ്റത്.
ഇന്ന് രാവിലെ തെങ്കര സ്കൂളിന് മുന്നില്‍ വച്ചായിരുന്നു അപകടം ന‍ടന്നത്. പാലക്കാട്- മണ്ണാര്‍ക്കാട് റൂട്ടിലോടുന്ന ശാസ്ത എന്ന ബസില്‍ നിന്നാണ് കുട്ടി വീണത്. മര്‍ജാന ഇറങ്ങുന്നതിന് മുമ്പ് ബസ് എടുക്കുകയായിരുന്നു. ഇതോടെ കുട്ടി റോഡിലേക്ക് തെറിച്ച് വീണു. കുട്ടിയുടെ കൈയ്ക്കും കാലിനും പരിക്കുണ്ട്. ഓടിക്കൂടിയ നാട്ടുകാരാണ് കുട്ടിയെ ആശുപത്രിയിലെത്തിച്ചത്. ബസ് നിര്‍ത്താതെ പോയെന്നും നാട്ടുകാര്‍ ആരോപിച്ചു.
സംഭവത്തില്‍, മണ്ണാര്‍ക്കാട് പൊലീസില്‍ പരാതി നല്‍കുമെന്ന് കുട്ടിയുടെ രക്ഷിതാക്കള്‍ അറിയിച്ചു.
Post Your Comments