തിരുവനന്തപുരം: കണ്ടല സഹകരണ ബാങ്ക് തട്ടിപ്പ് കേസില് ബാങ്ക് മുന് പ്രസിഡന്റ് എന് ഭാസുരാംഗനെ ഇഡി കസ്റ്റഡിയിലെടുത്തു. പൂജപ്പുരയിലെ വീട്ടില് നിന്നും ഭാസുരാംഗന്റെ സ്ഥാപനങ്ങളില് നിന്നും കണ്ടെത്തിയ രേഖകളുടെ അടിസ്ഥാനത്തിലായിരുന്നു , ഇഡി ഭാസുരാംഗനെ കസ്റ്റഡിയിലെടുത്തത്.
101 കോടി രൂപയുടെ ക്രമക്കേടാണ് കണ്ടല ബാങ്കില് കണ്ടെത്തിയത്. കഴിഞ്ഞ 30 വര്ഷത്തിലേറെയായി സിപിഐ നേതാവായ എന് ഭാസുരാംഗനാണ് ബാങ്ക് പ്രസിഡന്റ്. ഈയിടെയാണ് ഭരണ സമിതി രാജിവെച്ചത്. നിലവില് ബാങ്കില് അഡ്മിനിസട്രേറ്റീവ് ഭരണമാണ്. കണ്ടല സഹകരണ ബാങ്കിലും എന്ഫോഴ്സ്മെന്റ് ഡയറക്ട്രേറ്റിന്റെ പരിശോധന നടന്നിരുന്നു.
ബാങ്കില് കോടികളുടെ നിക്ഷേപ ക്രമക്കേട് നടന്നതായി പരാതി ഉയര്ന്നിരുന്നു. ഇതിന്റെ അടിസ്ഥാനത്തിലാണ് ഇ ഡിയുടെ നടപടി.
Leave a Comment