യുവത്വം നിലനിർത്തണം എന്ന് ആഗ്രഹിക്കാത്തവരായി ആരും കാണില്ല. നല്ല ആരോഗ്യമുള്ള ശരീരവും മനസ്സും ഉണ്ടെങ്കിൽ നിങ്ങൾ ഒരു പരിധിവരെ യുവത്വം നിലനിർത്താൻ കഴിയും. ആരോഗ്യവും യുവത്വവും നഷ്ടമാകാതിരിക്കാന്‍ ഈ ശീലങ്ങള്‍ പിന്‍തുടരാം.
ഹെല്‍ത്ത് ചെക്കപ്പ്
നല്ല ആരോഗ്യത്തിന് കൃത്യമായ സമയക്രമത്തില്‍ ആരോഗ്യ പരിശോധനകള്‍ നടത്തേണ്ടത് അനിവാര്യമാണ്. എന്നാല്‍ മാത്രമാണ്, എന്തെല്ലാം കാര്യത്തില്‍ ഇനി ശ്രദ്ധിക്കണം. എന്തെല്ലാം ആരോഗ്യ പ്രശ്നങ്ങള്‍ ഉണ്ട് എന്നെല്ലാം നിങ്ങള്‍ക്ക് മനസ്സിലാക്കാന്‍ സാധിക്കൂ. ഇതും നിങ്ങളുടെ ആയുസ്സ് എത്രത്തോളം നീണ്ടു നില്‍ക്കുന്നു എന്ന് സ്വയം മനസ്സിലാക്കാന്‍ സഹായിക്കുന്നതാണ്.
മാനസിക പിരിമുറുക്കം
സ്ഥിരമായി മാനസിക പിരിമുറുക്കത്തിലൂടെ സഞ്ചരിക്കുന്ന ആളാണ് നിങ്ങള്‍ എങ്കില്‍ നിങ്ങളുടെ ആരോഗ്യവും പതിയെ നഷ്ടപ്പെടാന്‍ തുടങ്ങും. നല്ല ആയുസ്സോടെ നല്ല ആരോഗ്യത്തോടെ കുറേ കാലം ജീവിക്കണമെങ്കില്‍ നിങ്ങളുടെ മാവസികാരോഗ്യം മെച്ചപ്പെടുത്താന്‍ ശ്രദ്ധിക്കേണ്ടത് അനിവാര്യമാണ്. ഇതിനായി നല്ല ഉറക്കം ഉറപ്പ് വരുത്തുക. അതുപോലെ തന്നെ, ടെന്‍ഷന്‍ മറ്റുള്ളവരോട് ഷെയര്‍ ചെയ്യാന്‍ മറക്കരുത്. വേണമെങ്കില്‍ യോഗ പോലെയുള്ള കാര്യങ്ങള്‍ ശീലിക്കാം. എന്ത് ചെയ്തിട്ടും നിങ്ങള്‍ക്ക് ബാലന്‍സ് ചെയ്യാന്‍ സാധിക്കുന്നില്ലെങ്കില്‍ ഒരു ഡോക്ടറുടെ നിര്‍ദ്ദേശം തേടുന്നതും നല്ലതാണ്.
വ്യായാമം
കൃത്യമായി വ്യായാമം ചെയ്യുന്നത് നമ്മളുടെ ആരോഗ്യം നിലനിര്‍ത്തുന്നതിന് സഹായിക്കുന്നുണ്ട്. ആരോഗ്യത്തിന് മാത്രമല്ല, നല്ല ചര്‍മ്മം ഉണ്ടാകാനും യുവത്വം നിലനിര്‍ത്താനും വ്യായാമം നല്ലതാണ്. സ്ഥിരമായി കുറഞ്ഞത് മുക്കാല്‍ മണിക്കൂര്‍ വ്യായാമം ചെയ്യുന്നവരാണെങ്കില്‍ അവര്‍ക്ക് പതി അസുഖങ്ങള്‍ കുറവായിരിക്കും എന്നാണ് പറയുന്നത്. അതിനാല്‍ തന്നെ, നല്ല ആരോഗ്യത്തോടേയും ചുറുചുറുക്കോടേയും നല്ല യുവത്വം തുളുമ്പുന്ന ചര്‍മ്മത്തോടെയും ജീവിക്കാന്‍ സാധിക്കും.
ഉറക്കം
ഉറക്കം ശരീരത്തിന്റെ ബാലന്‍സ് നിലനിര്‍ത്തുന്നതിന് ഒരു പ്രധാന ഘടകം തന്നെയാണ്. ഒരു ദിവസം കുറഞ്ഞത് 8 മണിക്കൂര്‍ നിങ്ങള്‍ക്ക് കൃത്യമായി ഉറങ്ങണം. നന്നായി ഉറങ്ങുന്നത് അവയവങ്ങളുടെ കൃത്യമായ പ്രവര്‍ത്തനത്തിന് സഹായിക്കുന്നു.
Post Your Comments