സ്വർണാഭരണ പ്രേമികൾക്ക് ആശ്വാസം! വിലയിൽ ഇന്ന് നേരിയ ഇടിവ്

സംസ്ഥാനത്ത് ഇന്ന് സ്വർണവിലയിൽ ഇടിവ്. ഒരു പവൻ സ്വർണത്തിന് ഇന്ന് 240 രൂപയാണ് കുറഞ്ഞിരിക്കുന്നത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 44,080 രൂപയായി. ഒരു ഗ്രാം സ്വർണത്തിന് 30 രൂപ കുറഞ്ഞ് 5,510 രൂപ നിലവാരത്തിലാണ് വ്യാപാരം പുരോഗമിക്കുന്നത്. ഇന്നലെ മാറ്റമില്ലാതെ തുടർന്ന സ്വർണവിലയാണ് ഇന്ന് ഇടിഞ്ഞത്. ഇന്നലെ ഒരു പവൻ സ്വർണത്തിന് 44,320 രൂപയും, ഒരു ഗ്രാം സ്വർണത്തിന് 5,540 രൂപയുമായിരുന്നു നിരക്ക്.

ഇന്നലെ ഈ മാസത്തെ ഏറ്റവും ഉയർന്ന നിരക്കിലാണ് വ്യാപാരം നടന്നത്. ആഗോള തലത്തിൽ നേരിയ ഇടിവിലാണ് ഇന്ന് സ്വർണത്തിന്റെ വ്യാപാരം നടക്കുന്നത്. ട്രോയ് ഔൺസിന് 5.53 ഡോളർ ഇടിഞ്ഞ് 1,920.04 ഡോളർ നിലവാരത്തിലാണ് സ്വർണവില ഉള്ളത്. ആഗോള വിപണിയിൽ ഉണ്ടാകുന്ന ചലനങ്ങളെല്ലാം ആഭ്യന്തര വിലയിൽ പ്രതിഫലിക്കാറുണ്ട്. ഇസ്രായേൽ-ഹമാസ് യുദ്ധ പ്രതിസന്ധിയാണ് കഴിഞ്ഞ ദിവസങ്ങളിൽ വില വർദ്ധിക്കാനുള്ള പ്രധാന കാരണമായി മാറിയത്.

Also Read: കണ്ണഞ്ചിപ്പിക്കുന്ന ആനുകൂല്യങ്ങൾ! കിടിലൻ ഫാമിലി പ്ലാനുമായി എയർടെൽ, റീചാർജ് നിരക്ക് അറിയാം